ദുബൈ: റമദാൻ മാസത്തിൽ യു.എ.ഇയിലെ പൊതുമേഖല ജീവനക്കാരുടെ ജോലിസമയം അഞ്ചു മണിക്കൂറാ യിരിക്കുമെന്ന് ഫെഡറൽ അതോറിറ്റി ഫോർ ഗവൺമെൻറ് ഹ്യൂമൻ റിസോഴ്സസ് അറിയിച്ചു.
ഇന്നലെ പുറത്തുവിട്ട പുതിയ സർക്കുലറിലാണ് സമയക്രമീകരണം സംബന്ധിച്ച അറിയിപ്പ് പുറത്തിറക്കിയത്.
എല്ലാ മന്ത്രാലയങ്ങളുടെയും ഫെഡറൽ ഏജൻസികളുടെയും ജോലിസമയം അഞ്ചു മണിക്കൂറായിരിക്കും. ഓഫിസുകൾ രാവിലെ ഒമ്പത് മുതൽ ഉച്ചക്ക് രണ്ടുവരെ പ്രവർത്തിക്കും. എന്നാൽ, ജോലിയുടെ സ്വഭാവത്തിന് അനുസരിച്ച് അധിക മണിക്കൂർ പ്രവർത്തനം ആവശ്യമുള്ളവർക്ക് ഇതു ബാധകമായിരിക്കില്ല. മാസപ്പിറവി കാണുകയാണെങ്കിൽ റമദാൻ മാസം ഏപ്രിൽ 24 ന് ആരംഭിക്കുമെന്നാണ് പ്രതീക്ഷിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.