ദുബൈ: കൊടുങ്ങല്ലൂർ മണ്ഡലം കെ.എം.സി.സി മുസിരിസ് ഫെസ്റ്റിനോടനുബന്ധിച്ചു നൽകിവരാറുള്ള മുസിരിസ് അവാർഡിന് സാമൂഹ്യ പ്രവർത്തകൻ ഫിറോസ് കുന്നംപറമ്പിലിനെ തെരഞ്ഞെടുത്തു. സാമൂഹ്യ മാധ്യമങ്ങളുടെ സാധ്യതകൾ ഉപയോഗപ്പെടുത്തി കൊടുങ്ങല്ലൂർ പ്രദേശങ്ങളിലടക്കം വിപുലമായ ജീവകാരുണ്യ പ്രവർത്തനങ്ങളാണ് ഇദ്ദേഹം നടത്തുന്നത്. പാലക്കാട് ആലത്തൂർ സ്വദേശിയായ ഫിറോസ് സ്വന്തം നാട്ടിൽ കഷ്ടത അനുഭവിക്കുന്നവർക്ക് അന്നദാന പരിപാടികൾ ആരംഭിച്ചു കൊണ്ടാണ് സ്വാന്തന പ്രവർത്തനങ്ങൾക്കു തുടക്കമിട്ടത്. ഫേസ് ബൂക്കിലൂടെ ഇരുന്നൂറിലേറെ ലൈവ് പരിപാടികൾ നടത്തി ഒട്ടേറെ കാരുണ്യ പ്രവർത്തനങ്ങൾ നടത്തുകയുണ്ടായി. പ്രഥമ മുസിരിസ് അവാർഡ് നേടിയത് പ്രവാസിഭാരതീയ സമ്മാൻ അവാർഡ് ജേതാവ് അഷ്റഫ് താമരശ്ശേരിയാണ്. ഫിറോസ് കുന്നംപറമ്പിലിന് ഏപ്രിൽ 12 നു നടക്കുന്ന മുസിരിസ് ഫെസ്റ്റിൽ അവാർഡ് നൽകുമെന്ന് പ്രസിഡൻറ് സത്താർ മാമ്പ്രയും ജനറൽ സെക്രട്ടറി അസ്കർ പുത്തൻചിറയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.