ഷാര്‍ജ: ഷാര്‍ജ കിരീടാവകാശിയും ഉപഭരണാധികാരിയുമായ ശൈഖ് സുല്‍ത്താന്‍ ബിന്‍ മുഹമ്മദ് ബിന്‍ സുല്‍ത്താന്‍ ആല്‍ ഖാസിമിയുടെ രക്ഷാകര്‍തൃത്വത്തില്‍ നടക്കുന്ന ആറാമത് റിയല്‍ എസ്റ്റേറ്റ് ഇന്‍വെസ്റ്റ്മെൻറ് എക്സിബിഷന് (എ.സി.ആര്‍.ഇ.എസ് 2019) അല്‍ താവൂനിലെ എക്സ്പോസെൻററില് തുടക്കം.
21വരെ നീളുന്ന പ്രദർശനം ഷാര്‍ജ ഉപഭരണാധികാരി ശൈഖ് അബ്ദുല്ല ബിന്‍ സലീം ബിന്‍ സുല്‍ത്താന്‍ ആല്‍ ഖാസിമി ഉദ്ഘാടനം ചെയ്തു. ഷാര്‍ജ ചെംബര്‍ ഓഫ് കോമേഴ്സ് ആന്‍ഡ് ഇന്‍ഡസ്ട്രി, ഷാര്‍ജ റിയല്‍ എസ്റ്റേറ്റ് രജിസ്ട്രേഷന്‍ വകുപ്പ്, എക്സ്പോ എക്സ്പോര്ട്ട് സെൻററിലെ റിയല്‍ എസ്റ്റേറ്റ് ബിസിനസ് ഗ്രൂപ്പ് എന്നിവയാണ് പരിപാടിയുടെ പ്രായോജകര്. ഉദ്ഘാടന ശേഷം വിവിധ പവലിയനുകളിലെത്തിയ ഉപഭരണാധികാരി റിയല്‍ എസ്റ്റേറ്റ് ഡെവലപ്മെന്‍റ് കമ്പനികളിലെ മികച്ച പങ്കാളിത്തം, അവബോധം എന്നിവയെ പ്രശംസിച്ചു. ഷാര്‍ജ മീഡിയ കൗണ്‍സില്‍ ചെയര്‍മാന്‍ ശൈഖ് സുല്‍ത്താന്‍ ബിന്‍ അഹമ്മദ് ആല്‍ ഖാസിമി, ഷാര്‍ജ ഡിപ്പാര്‍ട്ട്മെന്‍്റ് ഓഫ് സ്റ്റാറ്റിസ്റ്റിക്സ് ആന്‍ഡ് കമ്മ്യൂണിറ്റി ഡവലപ്മെൻറ് ഡയറക്ടര്‍ ശൈഖ് മുഹമ്മദ് ബിന്‍ ഹുമൈദ് ആല്‍ ഖാസിമി തുടങ്ങിയവര്‍ സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.