അബൂദബി: അബൂദബിയിൽ നിർമാണ സ്ഥലത്തെ ക്രെയിൻ തകർന്ന് ഒരാൾ മരിച്ചു. മൂന്നുപേർക്ക് പരിക്കേറ്റു. അബൂദബി റാഹ ബീച്ച് പ്രദേശത്ത് ഞായറാഴ്ച രാവിലെ ഏഴോടെയാണ് അപകടം. ഏഷ്യക്കാരനാണ് മരിച്ചതെന്ന് അബൂദബി പൊലീസ് വക്താവ് അറിയിച്ചു. പരിക്കേറ്റവരെ അൽ റഹ്ബയിലെയും മഫ്റഖിലെയും ആശുപത്രികളിൽ പ്രവേശിപ്പിച്ചു. ക്രെയിൻ തകർന്നുവീണപ്പോൾ വൻ ശബ്ദം കേട്ടതായി ദൃക്സാക്ഷികൾ പറഞ്ഞു. ക്രെയിനിെൻറ ഭാരം പൊക്കുന്ന ഭാഗം വഴിയിലേക്ക് തൂങ്ങിനിന്നു. 30ഒാളം തൊഴിലാളികളായിരുന്നു അപകട സമയത്ത് നിർമാണ സ്ഥലത്തുണ്ടായിരുന്നത്. അപകടം നടന്നപ്പോൾ ഇവർ നിലവിളിച്ചു. പത്ത് മിനിറ്റിനകം ആംബുലൻസ് സംഭവസ്ഥലത്ത് എത്തിയതായും ദൃക്സാക്ഷികൾ വിവരിച്ചു. ക്രെയിനുകൾ പതിവായി അറ്റകുറ്റപ്പണി നടത്തണമെന്നും സുരക്ഷാ ഉപകരണങ്ങൾ നിർമാണ സ്ഥലത്ത് ലഭ്യമാക്കണമെന്നും എമർജൻസി ആൻഡ് പബ്ലിക് സേഫ്റ്റി ഡയറക്ടറേറ്റിലെ ദ്രുതകർമ വകുപ്പ് ഡയറക്ടർ ലെഫ്റ്റനൻറ് കേണൽ ഇബ്രാഹിം അലി ജലാൽ ആൽ ബലൂഷി കമ്പനികളോട് നിർദേശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.