അബൂദബി: അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ശൈഖ ് മുഹമ്മദ് ബിൻ സായിദ് ആൽ നഹ്യാൻ ബംഗ്ലാദേശ് പ്രധാനമന്ത്രി ശൈഖ് ഹസീനയുമായി ചർച്ച നടത്തി. അൽ ബഹ്ർ കൊട്ടാരത്തിൽ നടന്ന കൂടിക്കാഴ്ചയിൽ യു.എ.ഇയും ബംഗ്ലാദേശും തമ്മിലുള്ള സുഹൃദ് ബന്ധവും ഇരു രാജ്യങ്ങൾക്കും താൽപര്യമുള്ള മേഖലകളിൽ ഉഭയകക്ഷി ബന്ധം ശക്തിപ്പെടുത്തുന്നതും ചർച്ച ചെയ്തു. സുഹൃദ് രാജ്യങ്ങളുമായി ബന്ധം സ്ഥാപിക്കൽ യു.എ.ഇയുടെ നയമാണെന്ന് ശൈഖ് മുഹമ്മദ് ബിൻ സായിദ് പറഞ്ഞു. ഇരു രാജ്യങ്ങളും തമ്മിൽ ചരിത്രപരമായ ബന്ധമുണ്ടെന്ന് ശൈഖ് ഹസീന അഭിപ്രായപ്പെട്ടു. 1974ൽ ബംഗ്ലാദേശ് രാഷ്്ട്രപിതാവ് ശൈഖ് മുജീബ് റഹ്മാൻ യു.എ.ഇ സന്ദർശിച്ചതും 1984ൽ യു.എ.ഇ രാഷ്ട്രപിതാവ് ശൈഖ് സായിദ് ബംഗ്ലാദേശ് സന്ദർശിച്ചതും അവർ ചൂണ്ടിക്കാട്ടി. ശൈഖ് മുജീബ് റഹ്മാനും ശൈഖ് സായിദും ഒന്നിച്ചുള്ള ഫോേട്ടാ ശൈഖ് ഹസീന ശൈഖ് മുഹമ്മദ് ബിൻ സായിദിന് സമ്മാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.