മൂ​ന്ന്​ നി​യ​മ​ലം​ഘ​ന​ങ്ങ​ൾ ബൈ​ക്ക്​ അപ​ക​ട​ങ്ങ​ള്‍ക്ക് കാ​ര​ണ​മാ​കു​ന്നു

അ​ജ്മാ​ന്‍: മൂ​ന്ന്​ നി​യ​മ​ലം​ഘ​ന​ങ്ങ​ൾ മോ​ട്ടോ​ര്‍സൈ​ക്കി​ള്‍ യാ​ത്ര​ക്കാ​രെ അ​പ​ക​ട​ങ്ങ​ളി​ലേ​ക്ക് ന​യി​ക്കു​ന്ന​താ​യി അ​ജ്മാ​ന്‍ പൊ​ലീ​സ്. അ​മി​ത വേ​ഗ​ത്തി​ൽ വാ​ഹ​ന​മോ​ടി​ക്കു​ക, നി​ർ​ബ​ന്ധി​ത പാ​ത​യി​ൽ​നി​ന്ന്​ വ്യ​തി​ച​ലി​ക്കു​ക, അ​പ​ക​ട​ക​ര​മാ​യ രീ​തി​യി​ൽ ഓ​വ​ർ​ടേ​ക്ക് ചെ​യ്യു​ക തു​ട​ങ്ങി​യ മൂ​ന്ന് കാ​ര​ണ​ങ്ങ​ളാ​ണ് ​പൊ​ലീ​സ്​ ചൂ​ണ്ടി​ക്കാ​ണി​ക്കു​ന്ന​ത്. ഈ ​കാ​ര​ണ​ങ്ങ​ള്‍ പ​ല കേ​സു​ക​ളി​ലും മ​ര​ണ​ത്തി​ലേ​ക്ക് ന​യി​ക്കു​ന്ന​താ​യും ഗു​രു​ത​ര​മാ​യ പ​രി​ക്കു​ക​ൾ​ക്ക് കാ​ര​ണ​മാ​കു​ന്ന​താ​യും അ​ജ്മാ​ന്‍ പൊ​ലീ​സ് ജ​ന​റ​ൽ ക​മാ​ന്‍ഡ് ട്രാ​ഫി​ക് ആ​ൻ​ഡ് പ​ട്രോ​ൾ ഡി​പ്പാ​ർ​ട്മെ​ന്‍റ് ഡ​യ​റ​ക്ട​ർ ലെ​ഫ്റ്റ​ന​ന്‍റ് കേ​ണ​ൽ സെ​യ്ഫ് അ​ബ്ദു​ല്ല അ​ൽ ഫ​ല​സി പ​റ​ഞ്ഞു.

സു​ര​ക്ഷ ഉ​റ​പ്പാ​ക്കാ​ൻ പൊ​തു​നി​ര​ത്തു​ക​ളി​ൽ വാ​ഹ​ന​മോ​ടി​ക്കാ​നു​ള്ള ട്രാ​ഫി​ക് നി​ർ​ദേ​ശ​ങ്ങ​ൾ പാ​ലി​ക്കാ​ൻ മോ​ട്ടോ​ർ സൈ​ക്കി​ൾ യാ​ത്ര​ക്കാ​രോ​ട് അ​ദ്ദേ​ഹം ആ​ഹ്വാ​നം​ചെ​യ്തു. മോ​ട്ടോ​ർ സൈ​ക്കി​ളു​ക​ളു​ടെ ഏ​റ്റ​വും അ​പ​ക​ട​ക​ര​മാ​യ ലം​ഘ​ന​ങ്ങ​ളി​ലൊ​ന്നാ​ണ് അ​മി​ത വേ​ഗ​ത്തി​ൽ വാ​ഹ​ന​മോ​ടി​ക്കു​ന്ന​തെ​ന്ന് അ​ദ്ദേ​ഹം വി​ശ​ദീ​ക​രി​ക്കു​ന്നു. തെ​റ്റാ​യി ഓ​വ​ർ​ടേ​ക്ക് ചെ​യ്ത​തി​നു​ള്ള പി​ഴ​യാ​യി 600 ദി​ർ​ഹ​മും ആ​റ് ട്രാ​ഫി​ക് പോ​യ​ന്‍റു​ക​ളും ചു​മ​ത്തും.

ക​രു​തി​ക്കൂ​ട്ടി ഓ​വ​ർ​ടേ​ക്ക് ചെ​യ്യു​ന്ന വാ​ഹ​ന​ത്തി​ന് 1000 ദി​ർ​ഹ​മും ആ​റ് ട്രാ​ഫി​ക് പോ​യ​ന്‍റു​ക​ളും പി​ഴ​ചു​മ​ത്തും. നി​രോ​ധി​ച്ചി​രി​ക്കു​ന്ന സ്ഥ​ല​ത്ത് ഓ​വ​ർ​ടേ​ക്ക് ചെ​യ്‌​താ​ല്‍ 600 ദി​ർ​ഹം പി​ഴ​ക്ക് വി​ധേ​യ​മാ​ക്കു​മെ​ന്ന് ആ​ർ​ട്ടി​ക്കി​ൾ 44 അ​നു​ശാ​സി​ക്കു​ന്നു. നി​ശ്ചി​ത വേ​ഗ​ത മ​ണി​ക്കൂ​റി​ൽ 80 കി​ലോ​മീ​റ്റ​റി​ൽ കൂ​ടു​ത​ലാ​യാ​ൽ 3000 ദി​ർ​ഹം പി​ഴ​യും 23 ബ്ലാ​ക്ക് പോ​യ​ന്‍റു​ക​ളും 60 ദി​വ​സ​ത്തേ​ക്ക് വാ​ഹ​നം പി​ടി​ച്ചെ​ടു​ക്ക​ലും നേ​രി​ടേ​ണ്ടി​വ​രും.

നി​ശ്ചി​ത വേ​ഗ​ത്തി​ൽ മ​ണി​ക്കൂ​റി​ൽ 60 കി​ലോ​മീ​റ്റ​ർ വേ​ഗ​ത ക​വി​ഞ്ഞാ​ൽ 2000 ദി​ർ​ഹം പി​ഴ​യും 12 ബ്ലാ​ക്ക് പോ​യ​ന്‍റു​ക​ളും വാ​ഹ​നം 30 ദി​വ​സ​ത്തേ​ക്ക് ക​ണ്ടു​കെ​ട്ട​ലും ചു​മ​ത്തും. ഡ്രൈ​വ​റും യാ​ത്ര​ക്കാ​രും സം​ര​ക്ഷ​ണ​വ​സ്ത്രം, ഹെ​ൽ​മ​റ്റ് എ​ന്നി​വ ധ​രി​ക്കാ​ത്ത​ത് മോ​ട്ടോ​ർ സൈ​ക്കി​ൾ അ​പ​ക​ട​ങ്ങ​ൾ വ​ർ​ധി​പ്പി​ക്കു​ന്ന നി​യ​മ​ലം​ഘ​ന​ങ്ങ​ളാ​ണെ​ന്ന് പൊ​ലീ​സ് വ്യ​ക്ത​മാ​ക്കി. ഒ​രു മോ​ട്ടോ​ർ സൈ​ക്കി​ൾ കാ​റു​മാ​യി കൂ​ട്ടി​യി​ടി​ക്കു​മ്പോ​ൾ അ​ത് ഡ്രൈ​വ​റു​ടെ നി​ല വ​ഷ​ളാ​കു​ന്ന​തി​നും ഗു​രു​ത​ര​മാ​യ പ​രി​ക്കു​ക​ൾ​ക്കും കാ​ര​ണ​മാ​കു​മെ​ന്ന് അ​ൽ ഫ​ലാ​സി പ​റ​ഞ്ഞു.