ദു​ബൈയിൽ ചൂ​ട്​ ക​ന​ത്തു​ത​ന്നെ; ചി​ല ഭാ​ഗ​ങ്ങ​ളി​ൽ മ​ഴ സാ​ധ്യ​ത

ദു​ബൈ: ചൂ​ട്​ അ​തി​ശ​ക്ത​മാ​യി തു​ട​രു​ന്ന​തി​നി​ടെ രാ​ജ്യ​ത്തി​ന്‍റെ തെ​ക്ക്, കി​ഴ​ക്ക്​ പ്ര​ദേ​ശ​ങ്ങ​ളി​ൽ തി​ങ്ക​ളാ​ഴ്ച മ​ഴ പെ​യ്യാ​ൻ സാ​ധ്യ​ത​യു​ണ്ടെ​ന്ന്​ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം.

രാ​വി​ലെ അ​ന്ത​രീ​ക്ഷ ഈ​ർ​പ്പം വ​ർ​ധി​ക്കു​ന്ന​ത്​ കാ​ര​ണ​മാ​യി ക​ന​ത്ത മൂ​ട​ൽ മ​ഞ്ഞി​നും സാ​ധ്യ​ത​യു​ണ്ട്. ഈ ​ആ​ഴ്ച മു​ഴു​വ​ൻ പ​ക​ൽ സ​മ​യ​ത്ത്​ താ​പ​നി​ല ഉ​യ​ർ​ന്ന നി​ല​യി​ൽ ത​ന്നെ​യാ​യി​രി​ക്കും. ബു​ധ​നാ​ഴ്ച​യോ​ടെ അ​ബൂ​ദ​ബി​യി​ൽ 44 ഡി​ഗ്രി​യും ദു​ബൈ​യി​ൽ 42 ഡി​ഗ്രി​യു​മാ​ണ്​ പ്ര​തീ​ക്ഷി​ക്കു​ന്ന​ത്​.

മ​ണി​ക്കൂ​റി​ൽ 25 കി.​മീ​റ്റ​ർ വേ​ഗ​ത്തി​ലു​ള്ള കാ​റ്റി​ന്​ സാ​ധ്യ​ത​യു​ള്ള​തി​നാ​ൽ പ​ല സ്ഥ​ല​ങ്ങ​ളി​ലും പൊ​ടി​ക്കാ​റ്റും പ്ര​തീ​ക്ഷി​ക്കാം. തു​റ​ന്ന പ്ര​ദേ​ശ​ങ്ങ​ളി​ൽ ദൃ​ശ്യ​ത​യെ ഇ​ത്​ ബാ​ധി​ച്ചേ​ക്കും.