പരിശുദ്ധനായ വട്ടശ്ശേരിൽ ഗീവർഗീസ് മാർ ദിവന്നാസ്യോസ് തിരുമേനിയുടെ ഓർമപ്പെരുന്നാളിന് ഇടവക വികാരി റവ. ഫാ. മാത്യു വർഗീസ് പെരുന്നാൾ കൊടിയേറ്റുകർമം നിർവഹിക്കുന്നു
അൽ ഐൻ: സെന്റ് ഡയനീഷ്യസ് ഓർത്തഡോക്സ് ദേവാലയത്തിന്റെ കാവൽ പിതാവ് പരിശുദ്ധനായ വട്ടശ്ശേരിൽ ഗീവർഗീസ് മാർ ദിവന്നാസ്യോസ് തിരുമേനിയുടെ 91ാമത് ഓർമപ്പെരുന്നാളിന് ഫെബ്രുവരി 23ന് കൊടിയേറി. ഇടവക വികാരി റവ.ഫാ.മാത്യു വർഗീസ് പെരുന്നാൾ കൊടിയേറ്റ കർമം നിർവഹിച്ചു. ഇടവക ട്രസ്റ്റി സിബി ജേക്കബ്, സെക്രട്ടറി ടി.ടി തോമസ്, മാനേജിങ് കമ്മിറ്റി അംഗങ്ങൾ, ഇടവക ജനങ്ങൾ തുടങ്ങിയവർ സന്നിഹിതരായിരുന്നു. ഫെബ്രുവരി 27, 28 തീയതികളിൽ വൈകീട്ട് ഏഴിന് സന്ധ്യാ നമസ്കാരവും തുടർന്ന് കൺവെൻഷനും മാർച്ച് ഒന്നിന് പ്രദക്ഷിണം, അനുസ്മരണ പ്രഭാഷണം എന്നിവയും നടക്കും. മാർച്ച് രണ്ട് ഞായറാഴ്ച പ്രഭാത നമസ്കാരവും വിശുദ്ധ മൂന്നിന്മേൽ കുർബാനയും ഉണ്ടാകും.
യു.എ.ഇയിലെ വിവിധ ഓർത്തഡോക്സ് ദേവാലയങ്ങളിൽ നിന്നുള്ള തീർഥാടകർക്ക് സ്വീകരണം നൽകും. ഓർത്തഡോക്സ് ക്രൈസ്തവ യുവജനപ്രസ്ഥാനം യു.എ.ഇ സോണിന്റെ നേതൃത്വത്തിലാണ് അലൈൻ തീർഥാടനം സംഘടിപ്പിക്കുന്നത്. പെരുന്നാൾ ശുശ്രൂഷകൾക്ക് മലങ്കര ഓർത്തഡോക്സ് സുറിയാനി സഭയുടെ കൊച്ചി ഭദ്രാസന മെത്രാപ്പോലീത്ത ഡോ.യാക്കോബ് മാർ ഐറേനിയോസ് മുഖ്യ കാർമികത്വം വഹിക്കും. ഫെബുവരി 27, 28 ദിവസങ്ങളിൽ മലങ്കര ഓർത്തഡോക്സ് ശുശ്രൂഷക സംഘം ജനറൽ സെക്രട്ടറി ബിജു.വി പന്തപ്ലാവ് വചനശുശ്രൂഷ നിർവഹിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.