മയ്യിത്ത് പരിപാലന ക്ലാസ് എടുത്ത ജുഗ്നു ടീച്ചർക്ക് ഉപഹാരം സമ്മാനിക്കുന്നു
ഷാർജ: ഷാർജ കെ.എം.സി.സി തൃശൂർ ജില്ല വനിത വിങ്ങിന്റെ നേതൃത്വത്തിൽ മയ്യിത്ത് പരിപാലന ക്ലാസ് സംഘടിപ്പിച്ചു. മാർച്ച് ഒമ്പതിന് രാവിലെ 11.30ന് ഷാർജ കെ.എം.സി.സി ഓഫിസ് ഹാളിൽ നടന്ന പരിപാടിയിൽ ജുഗ്നു ടീച്ചർ, ഷഹർബ ശംസുദ്ദീൻ എന്നിവർ മയ്യിത്ത് പരിപാലനത്തെക്കുറിച്ച് ക്ലാസ് എടുത്തു. വനിത വിങ് ജനറൽ സെക്രട്ടറി ഹസീന റഫീക്കിന്റെ ഖിറാഅത്തോടെ ആരംഭിച്ച ക്ലാസിന് പ്രസിഡന്റ് സജ്ന ഉമ്മർ അധ്യക്ഷത വഹിച്ചു.
സംസ്ഥാന, ജില്ല, മണ്ഡലം വനിത നേതാക്കൾ ഉൾപ്പെടെ നിരവധി പേർ പങ്കെടുത്തു. ക്ലാസിന് നേതൃത്വം നൽകിയ ജുഗ്നു ടീച്ചർക്ക് ഷാർജ കെ.എം.സി.സി വനിത വിങ് രക്ഷാധികാരി സജ്ന തയ്യിബ് മെമെന്റോ നൽകി ആദരിച്ചു. ഷഹർബ ശംസുദ്ദീന് വനിത വിങ് പ്രസിഡന്റ് സജ്ന ഉമ്മർ ഉപഹാരം നൽകി. തുടർന്നും ഇത്തരം പരിപാടികൾ സംഘടിപ്പിക്കുന്നതിന് മയ്യിത്ത് പരിപാലന സമിതി രൂപവത്കരിക്കാനും തീരുമാനിച്ചതായി ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.