‘പേ​ടി​ക്കേ​ണ്ട നി​ങ്ങ​ൾ മാ​തൃ​രാ​ജ്യ​ത്താ​ണ്’; ല​ബ​നീ​സ് യു​വ​തി​ക്ക് ഷാ​ർ​ജ പൊ​ലീ​സി​ന്‍റെ കൈ​ത്താ​ങ്ങ്

ഷാ​ർ​ജ: കാ​റി​ന് തീ​പി​ടി​ച്ച​പ്പോ​ൾ ഭ​യ​ന്ന ല​ബ​നീ​സ് യു​വ​തി​ക്ക് ഷാ​ർ​ജ പൊ​ലീ​സി​ന്‍റെ കൈ​ത്താ​ങ്ങ്. തീ ​അ​ണ​യ്ക്കാ​ൻ സ​ഹാ​യി​ച്ച​തി​ന് ഷാ​ർ​ജ പൊ​ലീ​സി​ന് ഹൃ​ദ​യ​ത്തി​ൽ തൊ​ട്ട് ന​ന്ദി പ​റ​ഞ്ഞ് യു​വ​തി​യും. അ​ജ്മാ​നി​ൽ നി​ന്ന് ദു​ബൈ​യി​ലെ ജോ​ലി സ്ഥ​ല​ത്തേ​ക്ക് പോ​യ മെ​യ്സം ഫാ​രി​സ്ബ​റാ​ക് എ​ന്ന ല​ബ​നീ​സ് യു​വ​തി​ക്കാ​ണ്​ ഷാ​ർ​ജ പൊ​ലീ​സി​ന്‍റെ സ​ഹാ​യം എ​ത്തി​യ​ത്. അ​പ്ര​തീ​ക്ഷി​ത​മാ​യി കാ​റി​ൽ നി​ന്നും പു​ക ഉ​യ​രാ​ൻ തു​ട​ങ്ങി​യ​തോ​ടെ സ​ഹാ​യ​ത്തി​നാ​യി പൊ​ലീ​സി​നെ വി​ളി​ച്ചു.

അ​ഞ്ച് മി​നി​റ്റി​നു​ള്ളി​ൽ സ്ഥ​ല​ത്തെ​ത്തി​യ സി​വി​ൽ ഡി​ഫ​ൻ​സ് ഉ​ദ്യോ​ഗ​സ്ഥ​രും പൊ​ലീ​സും ആം​ബു​ല​ൻ​സ്​ സം​ഘ​വും തീ ​അ​ണ​യ്ക്കു​ക​യാ​യി​രു​ന്നു. പ​രി​ക്കേ​റ്റി​​ട്ടു​ണ്ടോ എ​ന്ന​ന്വേ​ഷി​ച്ച ​പൊ​ലീ​സ്​ സം​ഘം ‘പേ​ടി​ക്കേ​ണ്ട നി​ങ്ങ​ൾ നി​ങ്ങ​ളു​ടെ മാ​തൃ​രാ​ജ്യ​ത്താ​ണ്’ എ​ന്ന്​ പ​റ​ഞ്ഞ്​ ആ​ശ്വാ​സം പ​ക​ർ​ന്നു. യു​വ​തി​യെ അ​ൽ സു​യോ​ഹ് പൊ​ലീ​സ് സ്റ്റേ​ഷ​നി​ൽ എ​ത്തി​ച്ച ശേ​ഷം സു​ഹൃ​ത്തി​നൊ​പ്പം അ​യ​ക്കു​ക​യാ​യി​രു​ന്നു. റി​ക്ക​വ​റി വാ​ഹ​ന​മു​പ​യോ​ഗി​ച്ച് കാ​ർ നീ​ക്കം ചെ​യ്തു. പൊ​ലീ​സി​നും സി​വി​ൽ ഡി​ഫ​ൻ​സി​നും സ​ർ​ക്കാ​റി​നും ന​ന്ദി പ​റ​ഞ്ഞാ​ണ്​ അ​വ​ർ മ​ട​ങ്ങി​യ​ത്.