ദുബൈ: യു.എ.ഇയും സൗദിയും തമ്മിലെ ആഴത്തിലുള്ള സാഹോദര്യവും ചരിത്രപരമായ ബന്ധവും വ്യക്തമാക്കി 95ാാമത് സൗദി ദേശീയ ദിനം ദുബൈ ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സിന്റെ (ജി.ഡി.ആർ.എഫ്.എ) നേതൃത്വത്തിൽ ദുബൈ വിമാനത്താവളത്തിലെ ടെർമിനൽ 1ൽ വിപുലമായി ആഘോഷിച്ചു.
പരിപാടികളുടെ ഭാഗമായി സൗദിയിൽ നിന്ന് ദുബൈയിലെത്തിയ യാത്രക്കാർക്ക് ഊഷ്മളമായ സ്വീകരണം നൽകി. സൗദി പതാകകളും പ്രത്യേക സമ്മാനങ്ങളും നൽകിയാണ് സ്വീകരിച്ചത്. ആഘോഷത്തിന്റെ ഭാഗമായി സ്മാർട്ട് ഗേറ്റുകൾ പച്ച നിറത്തിൽ പ്രകാശിപ്പിക്കുകയും ചെയ്തു. ‘സാലം’, ‘സലാമ’ എന്നീ മാസ്കോട്ടുകൾ കുട്ടികൾക്ക് സമ്മാനങ്ങൾ നൽകി. സൗദി യാത്രക്കാരുടെ പാസ്പോർട്ടുകളിൽ പ്രത്യേക സ്റ്റാമ്പ് പതിപ്പിക്കുകയും ചെയ്തു.‘യു.എ.ഇയും സൗദിയും, എക്കാലവും ഒരുമിച്ച്’ എന്ന വാചകവും 95-ാമത് സൗദി ദേശീയ ദിനത്തിന്റെ ലോഗോയും ആലേഖനം ചെയ്ത സ്റ്റാമ്പാണ് പതിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.