റാസല്ഖൈമ: നാല് സുപ്രധാന സേവനങ്ങള് ഫെസിലിറ്റേഷന് സെന്ററുകള് വഴിയാക്കി റാസല്ഖൈമ മുനിസിപ്പാലിറ്റി. ഭൂമിയുടെ വേര്തിരിക്കല്, ഭൂമിയുടെ ലയനം, പ്ലോട്ടിലെ ആസൂത്രണ ആവശ്യകതകള്, ഗ്രാന്റ് അപേക്ഷ തുടങ്ങിയ സേവനങ്ങളാണ് ഫെസിലിറ്റേഷന് സെന്ററുകളിലേക്ക് മാറ്റിയതെന്ന് റാക് മുനിസിപ്പാലിറ്റി ഡയറക്ടര് മുന്തിര് മുഹമ്മദ് ബിന് ശക്കര് അല്സാബി പറഞ്ഞു.
തസ്ഹീല് സെന്ററുകളായ ഡേറ്റ സെന്റര് ഫോര് ട്രാന്സാക്ഷന് ഫോളോ അപ്പ് സര്വിസസ് റാസല്ഖൈമ, അച്ചീവ്മെന്റ് സെന്റര് ഫോര് ബിസിനസ്മെന് സര്വിസസ് അല് റംസ് ആൻഡ് അല്ദൈത്ത്, സെന്റര് ഫോര് ട്രാന്സാക്ഷന് ക്ലിയറന്സ് അല്ദൈത്ത്, തറബുത്ത് സെന്റര് ഫോര് അവെയര്നസ് ആൻഡ് ഗൈഡന്സ് അല് ഖറാന് ആൻഡ് ബിസിനസ് ഇന്വെസ്റ്റ്മെന്റ് സെന്റര് അല് ജുവൈസ് എന്നീ കേന്ദ്രങ്ങളിലാണ് ഉപഭോക്താക്കള്ക്ക് സേവനങ്ങള് ലഭിക്കുക. ഉപഭോക്താക്കള്ക്ക് മികച്ച സേവനം ലഭ്യമാക്കുകയും രാജ്യത്തിന്റെ സുസ്ഥിര വികസനവുമാണ് പുതിയ നടപടിയിലൂടെ ലക്ഷ്യമിടുന്നതെന്ന് അധികൃതര് വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.