പി.വി സോക്കര് ഫുട്ബാള് ടൂര്ണമെന്റ് ഇന്ത്യന് ഇസ്ലാമിക് സെന്റര് ജനറല് സെക്രട്ടറി ഹിദായത്തുള്ള പറപ്പൂര് ഉദ്ഘാടനം ചെയ്യുന്നു
അബൂദബി: ‘പി.വി സോക്കര് -2024’ ഫുട്ബാള് ടൂര്ണമെന്റില് ടൈബ്രേക്കറില് കോര്ണര് വേള്ഡ് എഫ്.സിയെ പരാജയപ്പെടുത്തി മിറാക്കിള് എഫ്.സി ജേതാക്കളായി. യുനൈറ്റഡ് എഫ്.സി കാലിക്കറ്റ്, ബ്ലാക്ക് ആൻഡ് വൈറ്റ് കല്ലുരാവി എന്നീ ടീമുകള് യഥാക്രമം മൂന്നും നാലും സ്ഥാനങ്ങള് കരസ്ഥമാക്കി.
മുന് എം.എല്.എ പി.വി. മുഹമ്മദിന്റെ സ്മരണാർഥം കൊയിലാണ്ടി മണ്ഡലം കെ.എം.സി.സിയാണ് ടൂര്ണമെന്റ് സംഘടിപ്പിച്ചത്. അബൂദബി ഹുദൈരിയത് 321 സ്റ്റേഡിയത്തില് നടന്ന ടൂര്ണമെന്റ് ഇന്ത്യന് ഇസ് ലാമിക സെന്റര് ജനറല് സെക്രട്ടറി ഹിദായത്തുള്ള പറപ്പൂര് ഉദ്ഘാടനം ചെയ്തു.
മണ്ഡലം പ്രസിഡന്റ് അബൂബക്കര് സിദ്ദീഖ് അധ്യക്ഷതവഹിച്ചു. കെഫയുമായി സഹകരിച്ച് നടത്തിയ മത്സരത്തില് യു.എ.ഇയിലെ 16 മുന്നിര ടീമുകള് പങ്കെടുത്തു.
കെ.എം.സി.സി കോഴിക്കോട് ജില്ല പ്രസിഡന്റ് ജാഫര് തങ്ങള്, ട്രഷറര് മജീദ് അത്തോളി, സ്റ്റേറ്റ് കെ.എം.സി.സി ആക്ടിങ് പ്രസിഡന്റ് അഷ്റഫ് പൊന്നാനി, ഭാരവാഹികളായ ഹംസ നടുവില്, സലാം ഒഴിയൂര്, ഷാനവാസ് പുളിക്കല്, കോഴിക്കോട് ജില്ല സെക്രട്ടറി അഷ്റഫ് നജാത്, നൗഷാദ് കൊയിലാണ്ടി, അന്വര് സാദത്, സ്വാലിഹ് വാഫി, ദുബൈ കെ.എം.സി.സി നേതാക്കളായ ജലീല് മശ് ഹൂര്, റിയാസ് വാക്ക്, നസീം പാണക്കാട്, ജാഫര് വരായാല്, റഫീഖ് കൃഷ്ണന്കണ്ടി, അസീസ്, മണ്ഡലം സെക്രട്ടറി നൗഫല് പൂക്കാട്, വൈസ് പ്രസിഡന്റ് അഷ്റഫ് തെങ്ങില് എന്നിവർ പങ്കെടുത്തു. ഷംസീര് ട്രോഫി വിജയികള്ക്കുള്ള ട്രോഫി സമ്മാനിച്ചു.
ചീഫ് കോഓഡിനേറ്റര് ഷിഹാബ് മണ്ണാര്ക്കാട്, അസിസ്റ്റന്റ് കോഓഡിനേറ്റര് അസീസ് കോട്ടക്കല് എന്നിവരുടെ നേതൃത്വത്തില് കൊയിലാണ്ടി മണ്ഡലം ഭാരവാഹികളായ നസീര് പയ്യോളി, റസാക്, സയ്യദ് ഷരീഫ് തങ്ങള്, അഷറഫ് തെങ്ങില്, സമദ് മൂടാടി, അന്സാര്, മഹമൂദ്, നിസാര് മണമല്, ആരിഫ്, അബ്ബാസ്, സുബൈര്, ആത്തിഫ്, ഷാഹിദ്, അബിനു, ഹേബിന് തുടങ്ങിയവര് ടൂര്ണമെന്റ് നിയന്ത്രിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.