പൊന്നാനി എം.ഐ ഗേൾസ് അലുമ്നി മീറ്റിൽ പങ്കെടുത്ത കുടുംബാംഗങ്ങൾ
ഷാർജ: പൊന്നാനി എം.ഐ ഗേൾസ് ഹയർ സെക്കൻഡറി സ്കൂളിലെ പൂർവ വിദ്യാർഥികൾ യു.എ.ഇ മീറ്റ് സംഘടിപ്പിച്ചു. ഷാർജ നാഷനൽ പാർക്കിൽ നടന്ന കുടുംബസംഗമം കുട്ടികളുടെ കലാപരിപാടികൾ കൊണ്ട് ശ്രദ്ധേയമായി. റിപ്പബ്ലിക് ദിനത്തോടനുബന്ധിച്ച് നടത്തിയ ഫോട്ടോഗ്രഫി മത്സരത്തിന്റെ സമ്മാന വിതരണവും ചടങ്ങിൽ നടന്നു. ‘എം.ഐ.ജി.എ.ഡബ്ല്യു.ഇ+2’ എന്ന പേരിൽ യു.എ.ഇ ഘടകവും രൂപവത്കരിച്ചു. നസിയ മുനീർ (ചെയർപേഴ്സൻ), റഫ്സല (കൺ.), നഈമ ജഷീർ (വൈസ് ചെയർപേഴ്സൻ), ശാലി ഭവേഷ് (കോഓഡിനേറ്റർ), അമൃത ദാസ് (ട്രഷറർ) എന്നിവരാണ് ഭാരവാഹികൾ. അസ്മ ടീച്ചറുടെ ‘ദശപുഷ്പങ്ങൾ’ പുസ്തകം പുതിയ കമ്മിറ്റിക്ക് കൈമാറി. സംഘടന പ്രസിഡന്റും ഗ്രാമപഞ്ചായത്ത് അംഗവുമായ റഈസ അനീസ് മുഖ്യാതിഥിയായിരുന്നു. അലുമ്നി സെക്രട്ടറി അസ്നത്ത് മൻസൂർ പന്താവൂർ സ്വാഗതവും ചെയർപേഴ്സൻ നസിയ മുനീർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.