യു.എ.ഇയിലെത്തിയ ഇസ്രായേൽ വിദേശകാര്യ മന്ത്രി യായിർ ലാപിഡിനെ വിമാനത്താവളത്തിൽ സ്വീകരിക്കുന്നു
ദുബൈ: ഇസ്രായേൽ വിദേശകാര്യ മന്ത്രി യായിർ ലാപിഡ് സന്ദർശനത്തിനായി യു.എ.ഇയിലെത്തി. ആദ്യമായാണ് ഇസ്രായേൽ മന്ത്രിതല സംഘം ഇമാറാത്തിൽ എത്തുന്നത്.
വിമാനത്താവളത്തിൽ യു.എ.ഇ സഹമന്ത്രി അഹമ്മദ് അലി അൽ സായിഗ് സംഘത്തെ സ്വീകരിച്ചു. അബൂദബിയിലെ എംബസിയുടെ ഉദ്ഘാടനം യായിർ ലാപിഡ് നിർവഹിച്ചു. അബ്രഹാം കരാർ യാഥാർഥ്യമാക്കാൻ പരിശ്രമിച്ച എല്ലാവരെയും അദ്ദേഹം നന്ദിയറിയിച്ചു.
യു.എ.ഇ വിദേശകാര്യ മന്ത്രി ശൈഖ് അബ്ദുല്ല ബിൻ സായിദ് ആൽ നെഹ്യാനുമായി യായിർ ലാപിഡ് കൂടിക്കാഴ്ച നടത്തും. ബുധനാഴ്ച ഇദ്ദേഹം ദുബൈയിലെ ഇസ്രായേൽ കോൺസുലേറ്റ് ഉദ്ഘാടനം നിർവഹിക്കുകയും എക്സ്പോയിലെ പവലിയൻ സന്ദർശിക്കുകയും ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.