ന്യൂയോർക്കിൽ ഇന്ത്യ-യു.എ.ഇ-ഫ്രഞ്ച്​ മന്ത്രിമാരുടെ കൂടിക്കാഴ്ച

ദു​ബൈ: ന്യൂ​യോ​ർ​ക്കി​ൽ ഐ​ക്യ​രാ​ഷ്ട്ര സ​ഭ ജ​ന​റ​ൽ അ​സം​ബ്ലി​യി​ൽ പ​​​ങ്കെ​ടു​ക്കാ​നെ​ത്തി​യ ഇ​ന്ത്യ, യു.​എ.​ഇ, ഫ്രാ​ൻ​സ്​ വി​ദേ​ശ​കാ​ര്യ​മ​ന്ത്രി​മാ​ർ കൂ​ടി​ക്കാ​ഴ്ച ന​ട​ത്തി. യു.​എ.​ഇ വി​ദേ​ശ​കാ​ര്യ-​അ​ന്താ​രാ​ഷ്ട്ര സ​ഹ​ക​ര​ണ മ​ന്ത്രി ശൈ​ഖ്​ അ​ബ്​​ദു​ല്ല ബി​ൻ സാ​യി​ദ്​ ആ​ൽ ന​ഹ്​​യാ​ൻ, ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി എ​സ്. ജ​യ്​​ശ​ങ്ക​ർ, ​ഫ്ര​ഞ്ച്​ വി​ദേ​ശ​കാ​ര്യ മ​ന്ത്രി കാ​ത​റി​ൽ കൊ​ളോ​ന എ​ന്നി​വ​രാ​ണ്​ ച​ർ​ച്ച ന​ട​ത്തി​യ​ത്. മൂ​ന്ന്​ രാ​ജ്യ​ങ്ങ​ളും ത​മ്മി​ൽ ഒ​രു​മി​ച്ച്​ നീ​ങ്ങാ​വു​ന്ന മേ​ഖ​ല​ക​ളി​ലെ സ​ഹ​ക​ര​ണ​ത്തെ കു​റി​ച്ച്​ ച​ർ​ച്ച ചെ​യ്തു.

സാ​മ്പ​ത്തി​ക സ​മൃ​ദ്ധി​യും സു​സ്ഥി​ര വി​ക​സ​ന​വു​മാ​യി​രു​ന്നു മു​ഖ്യ ച​ർ​ച്ചാ​വി​ഷ​യം. കാ​ലാ​വ​സ്ഥ വ്യ​തി​യാ​ന​ത്തെ മ​റി​ക​ട​ക്കാ​ൻ ഒ​രു​മി​ച്ച്​ പ്ര​വ​ർ​ത്തി​ക്കും. അ​ടു​ത്ത വ​ർ​ഷം 28ാമ​ത്​ പാ​ർ​ട്ടീ​സ്​ കോ​ൺ​ഫ​റ​ൻ​സ്​ (ഇ.​ഒ.​പി28) യു.​എ.​ഇ​യി​ൽ ന​ട​ക്കാ​നി​രി​ക്കു​ന്ന പ​ശ്ചാ​ത്ത​ല​ത്തി​ലാ​ണ്​ ഇ​തു​​സം​ബ​ന്ധി​ച്ച ച​ർ​ച്ച ന​ട​ന്ന​ത്. പ്രാ​ദേ​ശി​ക, അ​ന്ത​ർ​ദേ​ശീ​യ വി​ഷ​യ​ങ്ങ​ൾ, ഊ​ർ​ജം, ഭ​ക്ഷ്യ​സു​ര​ക്ഷ ഉ​ൾ​പ്പെ​ടെ ആ​ഗോ​ള വെ​ല്ലു​വി​ളി​ക​ളെ അ​ഭി​മു​ഖീ​ക​രി​ക്കു​ന്ന​തി​ൽ അ​ന്താ​രാ​ഷ്ട്ര സ​ഹ​ക​ര​ണം ശ​ക്തി​പ്പെ​ടു​ത്തേ​ണ്ട​തി​ന്‍റെ പ്രാ​ധാ​ന്യ​വും യോ​ഗം ച​ർ​ച്ച ചെ​യ്തു. ഇ​ന്ത്യ​യു​മാ​യും ഫ്രാ​ൻ​സു​മാ​യും യു.​എ.​ഇ​ക്ക് പ്ര​ത്യേ​ക ബ​ന്ധ​വും ത​ന്ത്ര​പ​ര​മാ​യ പ​ങ്കാ​ളി​ത്ത​വും ഉ​ണ്ടെ​ന്നും മൂ​ന്ന് രാ​ജ്യ​ങ്ങ​ൾ​ക്കും വി​ക​സ​ന വി​ഷ​യ​ത്തി​ൽ പൊ​തു​വാ​യ കാ​ഴ്ച​പ്പാ​ടു​ക​ളും അ​ഭി​ലാ​ഷ​ങ്ങ​ളും ഉ​ണ്ടെ​ന്നും ശൈ​ഖ്​ അ​ബ്​​ദു​ല്ല ചൂ​ണ്ടി​ക്കാ​ട്ടി.

ത്രി​രാ​ഷ്ട്ര ച​ർ​ച്ച​യു​ടെ പ്രാ​ധാ​ന്യം വ​ള​രെ വ​ലു​താ​ണെ​ന്നും എ​ല്ലാ മേ​ഖ​ല​ക​ളി​ലും സ​ഹ​ക​ര​ണം ഉ​റ​പ്പു​വ​രു​ത്തു​മെ​ന്നും എ​സ്. ജ​യ്​​ശ​ങ്ക​റും കൊ​ളോ​ന​യും പ​റ​ഞ്ഞു. യു.​എ.​ഇ വ്യ​വ​സാ​യ, സാ​​ങ്കേ​തി​ക വി​ദ്യ വ​കു​പ്പ്​ മ​ന്ത്രി ഡോ. ​സു​ൽ​ത്താ​ൻ ബി​ൻ അ​ഹ്​​മ​ദ്​ അ​ൽ ജാ​ബി​ർ, വി​ദേ​ശ​കാ​ര്യ സ​ഹ​മ​ന്ത്രി ല​ന സാ​കി നു​സൈ​ബ തു​ട​ങ്ങി​യ​വ​ർ പ​​ങ്കെ​ടു​ത്തു.