അബൂദബി: മുസഫ വ്യവസായ സിറ്റിയിലെ വാഫി ഹൈപ്പറ്റര്മാര്ക്കറ്റും അബൂദബി ഇന്ഡസ്ട്രിയല് സിറ്റിയിലെ മന റുചുലു റസ്റ്റാറന്റും അബൂദബി കാര്ഷിക, ഭക്ഷ്യസുരക്ഷ അതോറിറ്റി(അഡാഫ്സ) അടച്ചുപൂട്ടി.
പൊതുജനാരോഗ്യത്തിന് അപകടകരമാം വിധമുള്ള ഭക്ഷ്യസുരക്ഷ നിയമലംഘനങ്ങള് നടത്തിയതിനെ തുടര്ന്നാണ് സ്ഥാപനങ്ങള്ക്കെതിരെ നടപടി സ്വീകരിച്ചതെന്ന് അഡാഫ്സ അറിയിച്ചു.
കീടബാധ, കാലാവധി കഴിഞ്ഞ ഭക്ഷ്യ ഉല്പന്നങ്ങള്, വൃത്തിഹീനമായ അന്തരീക്ഷം തുടങ്ങി നിരവധി നിയമലംഘനങ്ങള് ഇരുസ്ഥാപനങ്ങളും ആവര്ത്തിച്ചിരുന്നുവെന്ന് അഡാഫ്സ വ്യക്തമാക്കി. നിയമലംഘനങ്ങള് തിരുത്തുകയും ആയത് തങ്ങളെ ബോധ്യപ്പെടുത്തുകയും ചെയ്യാതെ സ്ഥാപനങ്ങള്ക്ക് പ്രവര്ത്തനാനുമതി നല്കില്ലെന്നും അഡാഫ്സ കൂട്ടിച്ചേര്ത്തു.
ഭക്ഷ്യസുരക്ഷ നിയമലംഘനങ്ങള് കണ്ടെത്തുകയോ ഇതുമായി ബന്ധപ്പെട്ട ആശങ്കകള് ഉണ്ടാവുകയോ ചെയ്താല് അബൂദബി സര്ക്കാറിന്റെ ടോള്ഫ്രീ നമ്പരായ 800555 എന്ന നമ്പരില് വിളിച്ചറിയിക്കണമെന്നും അഡാഫ്സ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.