വീട്ടുജോലിക്കാർക്ക്​ പീഡനം: മിഡിലീസ്​റ്റിൽ  കൂടുതൽ നടപടി വേണമെന്ന്​ യു.എൻ റിപ്പോർട്ട്​

അബൂദബി: മിഡിലീസ്​റ്റിലെ വീട്ടുജോലിക്കാർക്ക് എതിരായ പീഡനവും ചൂഷണവും തടയാൻ കൂടുതൽ നടപടികൾ ആവശ്യമാണെന്ന്​ ​െഎക്യരാഷ്​ട്ര സഭ (യു.എൻ) സംഘടനയുടെ റിപ്പോർട്ടിൽ മുന്നറിയിപ്പ്​. മേഖലയിലെ വീട്ടുജോലിക്കാരുടെ സാഹചര്യങ്ങൾ അടുത്ത കാലത്ത്​ മെച്ചപ്പെട്ടിട്ടുണ്ടെങ്കിലും ഇപ്പോഴും റിപ്പോർട്ട്​ ചെയ്യപ്പെടുന്ന തട്ടിപ്പും പീഡനങ്ങളും അവസാനിപ്പിക്കാൻ കൂടുതൽ നടപടികൾ വേണമെന്ന്​ ​അന്താരാഷ്​ട്ര തൊഴിലാളി സംഘടന (​െഎ.എൽ.ഒ) ആവശ്യപ്പെട്ടു.

ശുചീകരണത്തിനും പാചകത്തിനും അപ്പുറം അറബ്​ സമൂഹത്തിൽ വീട്ടുജോലിക്കാർ പ്രധാന പങ്ക്​ വഹിക്കുന്നുണ്ടെന്ന്​ ​െഎ.എൽ.ഒ വ്യക്​തമാക്കി. ലോകത്തെ പ്രവാസി വീട്ടുജോലിക്കാരിൽ അഞ്ചിലൊന്നും മിഡിലീസ്​റ്റിലാണ്​ പ്രവർത്തിക്കുന്നത്​. 31.6 ലക്ഷം വരും ഇവരുടെ എണ്ണം. ഇതിൽ 16 ലക്ഷത്തോളം സ്​ത്രീകളാണ്​.