ഒരുവശത്ത്​ കനത്ത മഴ; മറുവശത്ത്​ കൊടുംചൂട്​

ദുബൈ: രാജ്യത്തി​െൻറ വിവിധ ഭാഗങ്ങളിൽ കനത്ത മഴയെത്തി. ക്ലൗഡ്​ സീഡിങ്​ എന്ന ഹാഷ്​ ടാഗോടെ കാലാവസ്​ഥ നിരീക്ഷണ കേന്ദ്രമാണ്​ മഴയുടെ വീഡിയോ ദൃശ്യങ്ങൾ പോസ്​റ്റ്​ ചെയ്​തത്​.

അതേസമയം, അബൂദബി അടക്കം ചില എമിറേറ്റുകളിൽ ഈ വർഷത്തെ ഏറ്റവും കൂടിയ ​ചൂടായ 49.1 ഡിഗ്രി സെൽഷ്യസ്​​ രേഖപ്പെടുത്തി. ഷാർജ വാദി അൽ ഹ​ിലോ, ഫുജൈറ എന്നിവിടങ്ങളിൽ കനത്ത മഴ പെയ്​തു. മഴ പെയ്യാൻ സാധ്യതയുള്ള ​പ്രദേശങ്ങളിൽ യെല്ലോ അലർട്ട്​ പ്രഖ്യാപിച്ചു.

പൊതുജനങ്ങൾ പുറത്തിറങ്ങു​േമ്പാൾ സൂക്ഷിക്കണമെന്ന്​ സൂചിപ്പിക്കുന്നതാണ്​ യെല്ലോ അലർട്ട്​.യു.എ.ഇയുടെ പല ഭാഗങ്ങളിലും മഴയെത്താത്തതിനെ തുടർന്നാണ്​ ക്ലൗഡ്​ സീഡിങ്​ നടത്തിയത്​.

മേഘങ്ങളുടെ ഘടനയിൽ മാറ്റംവരുത്തി കൃത്രിമ മഴ പെയ്യിക്കുന്ന രീതിയാണ്​ ക്ലൗഡ്​ സീഡിങ്​. മേഘങ്ങളിൽ രാസപദാർഥങ്ങൾ ഉപയോഗിച്ചാണ്​ ക്ലൗഡ്​ സീഡിങ്​ നടത്തുന്നത്​. യു.എ.ഇയിൽ ഈ വർഷം മഴ പൊതുവേ കുറവാണ്​. ദുബൈയിൽ ഇതുവരെ മഴ എത്താത്ത പ്രദേശങ്ങൾ പോലുമുണ്ട്​. വേനൽക്കാല​ത്തിലേക്ക്​ കടന്നതോടെ ഇനി വലിയൊരു മഴ പ്രതീക്ഷിക്കുന്നുമില്ല. അതിനാലാണ്​ കൃത്രിമ മഴ പെയ്യിച്ചത്​. കഴിഞ്ഞ വർഷം മഴയിൽ ദുബൈ വിമാനത്താവളവും നഗരവും വെള്ളത്തിലാകുന്ന അവസ്ഥയുണ്ടായിരുന്നു.