ദുബൈ കെ.എം.സി.സി കല്യശ്ശേരി മണ്ഡലം കമ്മിറ്റി സംഘടിപ്പിച്ച ഫുട്ബാൾ ടൂർണമെന്റിൽ
ജേതാക്കളായ ഗ്രീൻ ഫീൽഡ് ആലക്കാട് എഫ്.സി
ദുബൈ: ദുബൈ കെ.എം.സി.സി കല്യശ്ശേരി മണ്ഡലം കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച ആറാമത് ഓൾ ഇന്ത്യ സെവൻസ് ഫുട്ബാൾ ടൂർണമെന്റ് അബൂഹയിൽ സ്പോർട്സ് ബൈ ഗ്രൗണ്ടിൽ നടന്നു. ദുബൈ കെ.എം.സി.സി മുതിർന്ന നേതാവ് ടി.പി. മഹമ്മുദ് ഹാജി ടൂർണമെന്റ് ഉദ്ഘാടനം ചെയ്തു. ഫൈനൽ മത്സരത്തിൽ ഗ്രീൻ ഫീൽഡ് ആലക്കാട് എഫ്.സി കിരീടം സ്വന്തമാക്കി. ഐ ഡോക്സ് എഫ്.സി രണ്ടാം സ്ഥാനം നേടി.
വിജയികളായ ടീമുകൾക്ക് ലാക്കോബൈറ്റ് എം.ഡി സലാഹ സിറാജ് ട്രോഫികൾ വിതരണം ചെയ്തു. വ്യക്തിഗത മികവുകൾക്കും പ്രത്യേക അംഗീകാരം ലഭിച്ചു. ഐ ഡോക്സ് എഫ്.സിയുടെ മിച്ചു കളിയിലെ മികച്ച താരമായി തെരഞ്ഞെടുക്കപ്പെട്ടു.
ഗ്രീൻ ഫീൽഡ് ആലക്കാട് ടീമിലെ അനസ് മികച്ച പ്രതിരോധതാരമായും മുഹ്സിൻ മികച്ച ഗോൾകീപ്പറായും തെരഞ്ഞെടുക്കപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.