ദുബൈ: ഇത്തവണത്തെ ഡിസംബർ അവധിക്കാലം ദുബൈയിലെ കുട്ടികൾക്ക് പഴയതു പോലെയല്ല. ദുബൈ സഫാരിയിലെ മാൻ കൂട്ടങ്ങളും സിംഹത്താൻമാരുമെല്ലാം അവരെ സ്വാഗതം െചയ്യാൻ കാത്തിരിക്കുന്നുണ്ട്. ജനുവരിയിലാണ് ഒൗദ്യോഗിക ഉദ്ഘാടനമെങ്കിലും ചൊവ്വാഴ്ച മുതൽ ദുബൈ സഫാരി പാർക്കിൽ ആളുകൾക്ക് പ്രവേശനം നൽകുന്നുണ്ട്. ആദ്യ രണ്ടു ദിവസം കൊണ്ട് 14000 സന്ദർശകർ എത്തുകയും ചെയ്തു.
എല്ലാ സഫാരികളും ആസ്വദിക്കാൻ കുട്ടികൾക്ക് 30 ദിർഹവും മുതിർന്നവർക്ക് 85 ദിർഹവും നൽകി ടിക്കെറ്റടുക്കണമെങ്കിലും ഇൗ മാസം 26 വരെ പ്രവേശനം സൗജന്യമാണ്. ഇന്നും നാളെയും മറ്റന്നാളും കുടുംബങ്ങൾക്ക് മാത്രമാണ് പ്രവേശനം. രാവിലെ ഒമ്പതു മണി മുതൽ വൈകീട്ട് അഞ്ചു വരെയാണ് ഇൗ കാലയളവിൽ പാർക്ക് പ്രവർത്തിക്കുക. എന്നാൽ ഒൗദ്യോഗിക ഉദ്ഘാടന ശേഷം രാത്രി ഒമ്പതു വരെ ഇവിടം ആസ്വദിക്കാം. അൽ വറഖ 5ൽ ഡ്രാഗൺ മാർട്ടിന് എതിർവശത്തായാണ് സഫാരി പാർക്ക് ഒരുക്കിയിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.