ദുബൈ തൃക്കരിപ്പൂർ മുസ്ലിം ജമാഅത്ത് മുൻ പ്രസിഡന്റ് ടി. മുഹമ്മദിന് കമ്മിറ്റി പ്രസിഡന്റ് ടി.പി. അബൂബക്കർ ഹാജി ഉപഹാരം നൽകി ആദരിക്കുന്നു
ദുബൈ: 38 വർഷത്തെ പ്രവാസം അവസാനിപ്പിച്ച് മടങ്ങുന്ന തൃക്കരിപ്പൂർ മുസ്ലിം ജമാഅത്ത്(ഡി.ടി.എം.ജെ) കമ്മിറ്റി മുൻ പ്രസിഡന്റും ജനറൽ സെക്രട്ടറിയുമായിരുന്ന ടി. മുഹമ്മദിന് ജമാഅത്ത് കമ്മിറ്റി യാത്രയയപ്പ് സംഘടിപ്പിച്ചു. കമ്മിറ്റി പ്രസിഡന്റ് ടി.പി. അബൂബക്കർ ഹാജിയുടെ അധ്യക്ഷതയിൽ നടന്ന ചടങ്ങ് അഡ്വൈസറി ബോർഡ് ചെയർമാൻ സി. റഹീം ഹാജി ഉദ്ഘാടനം ചെയ്തു.
ആക്ടിങ് ജനറൽ സെക്രട്ടറി യു.പി. മുഹമ്മദ് സഹീർ സ്വാഗതം പറഞ്ഞു. കമ്മിറ്റിയുടെ ഉപഹാരം ടി. മുഹമ്മദിന് പ്രസിഡന്റ് ടി.പി. അബൂബക്കർ ഹാജി നൽകി ആദരിച്ചു. ഡി.ടി.എം.ജെയുടെ കീഴിലുള്ള ബിസിനസ് സംരംഭമായ മെഡിറ്റിന്റെ ഉപഹാരം മെഡിറ്റ് ചെയർമാൻ ടി.പി. സിറാജ് മെഡിറ്റ് കൺവീനർ ടി. മുഹമ്മദിന് സമ്മാനിച്ചു.
ചടങ്ങിൽ ജനറൽ സെക്രട്ടറി സി. നാസർ, ടി.പി. സിറാജ്, സി. സുബൈർ, എൻ. ഷഹനാസലി, എൻ. നിസാർ, ടി. യൂനുസ്, ആരിഫ് വൾവക്കാട്, എൻ.പി. സലാം, ടി. മൊയ്തീൻ, എ.കെ. മുത്തലിബ്, കാക്കടത്ത് മമ്മി, ഒ.ടി. നാസർ, ഫാറൂഖ് ഹുസൈൻ എന്നിവർ സംസാരിച്ചു. ടി. മുഹമ്മദ് മറുപടി പ്രസംഗം നടത്തി. ട്രഷറർ ഒ.ടി. നൗഷാദ് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.