കോഴിക്കോട്: നടുവണ്ണൂർ പഞ്ചായത്തിലെ വിവിധ സ്കൂളുകളിൽ മിടുക്കരായ നിർധന വിദ്യാർത്ഥികൾക്ക് ഓൺലൈൻ പഠന സാമഗ്രികൾ സമാഹരിക്കുന്നതിെൻറ ഭാഗമായി യു.എ.ഇ.യിലെ നടുവണ്ണൂർക്കാരായ പ്രവാസികളുടെ സാമൂഹിക സാംസ്കാരിക വേദിയായ ‘നടുവണ്ണൂരകം’ പ്രവാസി കൂട്ടായ്മ ആറ് ടെലിവിഷൻ സെറ്റുകൾ പഞ്ചായത്ത് അധികൃതർക്ക് കൈമാറി. പഞ്ചായത്ത് പ്രസിഡൻറ് യശോദ തെങ്ങിട, വൈസ് പ്രസിഡൻറ് പി. അച്യുതൻ മാസ്റ്റർ, സെക്രട്ടറി ഷിജു എൽ.എൻ എന്നിവർ ചേർന്ന് നടുവണ്ണൂരകം ഭാരവാഹികളായ വിജയൻ നെല്ലിപ്പുനത്തിൽ, കെ.പി. ഹഫ്സൽ, നിജീഷ് വിനോയ്. കെ, ഹംസ കെ.എം. എന്നിവരിൽ നിന്ന് ഏറ്റുവാങ്ങി. മുഖ്യരക്ഷാധികാരി കെ.കെ.മൊയ്തീൻ കോയ സന്ദേശം നൽകി.
നിരവധി ദശകങ്ങളായി പ്രവാസത്തിലൂടെ നടുവണ്ണൂരിന്റെ പൊതുവികാസത്തിൽ വലിയ സംഭാവനകൾ നൽകുന്ന ഗൾഫ് പ്രവാസികളുടെ സ്നേഹപ്രതീകമാണ് നടുവണ്ണൂരകത്തിെൻറ ഈ സംഭാവനയെന്നും നേരത്തെ കമ്യൂണിറ്റി കിച്ചനു വേണ്ടിയും മികച്ച പിന്തുണ ലഭിച്ചുവെന്നും പഞ്ചായത്ത് പ്രസിഡൻറ് യശോദ തെങ്ങിട പറഞ്ഞു. പഞ്ചായത്ത് ഹാളിൽ കോവിഡ് സുരക്ഷാ നിർദ്ദേശങ്ങൾ പാലിച്ചുകൊണ്ട്‌ ഒരുക്കിയ ചടങ്ങിൽ വൈസ് പ്രസിഡൻറ് പി. അച്യുതൻ മാസ്റ്റർ, സെക്രട്ടറി ഷിജു എൽ.എൻ, വിജയൻ നെല്ലിപ്പുനത്തിൽ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.