അബൂദബി: സൗന്ദര്യവര്‍ധക ചികിത്സയില്‍ പൊള്ളലേറ്റ യുവാവ് 60,000 ദിര്‍ഹം നഷ്ടപരിഹാരം ആവശ്യപ്പെട്ട് കോടതിയില്‍. ലേസര്‍ ചികിത്സയെ തുടര്‍ന്നാണ് യുവാവിന് പൊള്ളലേറ്റത്. 4725 ദിര്‍ഹം നല്‍കിയാണ് താന്‍ ബ്യൂട്ടി ക്ലിനിക്കില്‍ സൗന്ദര്യവര്‍ധക ചികിത്സക്കു വിധേയനായതെന്നും യുവാവ് കോടതിയെ അറിയിച്ചു.
ക്ലിനിക്കിലെ ജീവനക്കാരുടെ പിഴവുമൂലമാണ് തനിക്ക് പൊള്ളലേറ്റതെന്നും ഇതുമൂലം വലിയ വേദനയാണ് സഹിക്കേണ്ടിവന്നതെന്നും യുവാവ് പറഞ്ഞു. ക്ലിനിക്കില്‍ നല്‍കിയ ഫീസിനു പുറമേ 60,000 ദിര്‍ഹംകൂടി നഷ്ടപരിഹാരം വേണമെന്നും ആവശ്യപ്പെട്ടു. അതേസമയം, കോടതിയെ സമീപിക്കുന്നതിനു മുമ്പ് പരാതിക്കാരന് മെഡിക്കല്‍ ലയബിലിറ്റി കമ്മിറ്റിയെ സമീപിച്ചിരുന്നില്ലെന്ന് ചൂണ്ടിക്കാട്ടി കോടതി കേസ് തള്ളിക്കളഞ്ഞു. ക്ലിനിക്കിന്‍റെ കോടതിച്ചെലവ് വഹിക്കാനും പരാതിക്കാരന് നിര്‍ദേശം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.