ഉമ്മുല്ഖുവൈന്: ഉമ്മുല് ഖുവൈനിലുണ്ടായ വാഹനാപകടത്തില് ഒരാള് മരിക്കുകയും മൂന്നു പേര്ക്ക് പരിക്കേല്ക്കുകയും ചെയ്തു. തിങ്കളാഴ്ച രാവിലെ 11.15 നാണ് ഉമ്മുല്ഖുവൈന് ലബ്സ മേഖലയിലാണ് വാഹനം അപകടത്തില് പെട്ടത്. മരിച്ചയാള് ഏഷ്യന് വംശജനും പരിക്കേറ്റവര് അറബ് വംശജരുമാണെന്ന് പൊലീസ് അറിയിച്ചു.
അപകട വിവരമറിഞ്ഞയുടനെ സ്ഥലത്തെത്തിയ പോലീസും സിവില് ഡിഫന്സും പരിക്കേറ്റവരെ ഉടനെതന്നെ ഉമ്മുല്ഖുവൈന് ഖലീഫ ജനറല് ആശുപത്രിയിലെത്തിച്ചു അടിയന്തിര ചികിത്സ ലഭ്യമാക്കി. അപകടത്തില്പെട്ട കാര് മറ്റൊരു വാഹനവുമായി കൂട്ടി ഇടിക്കുകയായിരുന്നു. ഡ്രൈവ് ചെയ്യുന്നവര് ഗതാഗത നിയമങ്ങളും ചട്ടങ്ങളും പിന്തുടരണമെന്നും ജാഗ്രത നിര്ദേശങ്ങള് പാലിക്കണമെന്നും സിവിൽ ഡിഫൻസ് ഡയറക്ടർ ജനറൽ കേണൽ ഹസൻ ബിൻ സുറും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.