ദുബൈ: അന്താരാഷ്ട്ര വനിത ദിനത്തോടനുബന്ധിച്ച് എ.ബി.സി കാർഗോ സംഘടിപ്പിക്കുന്ന സ്തനാർബുദ രോഗനിർണയ ക്യാമ്പ് വെള്ളിയാഴ്ച ഉച്ചക്ക് മൂന്നുമുതൽ ഒമ്പതുവരെ ലുലു അൽ ബർഷയിൽ നടക്കും. എല്ലാ സ്ത്രീകൾക്കും സൗജന്യമായി പങ്കെടുക്കാവുന്നതാണെന്ന് എ.ബി.സി മാനേജ്മെൻറ് അറിയിച്ചു. ഇത്തരം പരിപാടികൾ സജീവമായി സംഘടിപ്പിക്കുന്ന എ.ബി.സി കാർഗോ നിരവധി ജീവകാരുണ്യ പ്രവർത്തനങ്ങളും സംഘടിപ്പിച്ചുവരുന്നുണ്ട്. ഇത്തവണയും വനിതാ ദിനം ആഘോഷിക്കുന്നതിനൊപ്പം, എ.ബി.സി ഗ്രൂപ് ഓഫ് കമ്പനീസ് വൈസ് ചെയർമാൻ ഷമീറ ഷെരീഫിന്റെ നേതൃത്വത്തിൽ സ്തനാർബുദ ബോധവത്കരണം ലക്ഷ്യമിട്ടാണ് രോഗനിർണയ ക്യാമ്പ് സംഘടിപ്പിക്കുന്നത്. സാമൂഹിക പ്രതിബദ്ധതയുള്ള പ്രവർത്തനങ്ങളുമായി ഇനിയും മുന്നോട്ടുപോകുമെന്ന് എ.ബി.സി ഗ്രൂപ് ഓഫ് കമ്പനീസ് ചെയർമാൻ ഡോ. ശരീഫ് അബ്ദുൽഖാദർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.