അബൂദബി: ഷൂവിനുള്ളില് ഒളിപ്പിച്ച് മയക്കുമരുന്ന് കടത്താനും വില്പന നടത്താനും ശ്രമിച്ച രണ്ട് പേരെ അബൂദബി പൊലീസ് പിടികൂടി. തുകല് ഷൂവിനുള്ളില് രഹസ്യ അറകള് സൃഷ്ടിച്ചാണ് ഇവര് ഹെറോയിന് പൊടി കടത്താന് ശ്രമിച്ചത്. 44 വയസ്സും 24 വയസ്സും പ്രായമുള്ള രണ്ട് ഏഷ്യക്കാരാണ് പിടിയിലായത്.
മറ്റൊരു എമിറേറ്റില് നിന്ന് വാഹനത്തില് മയക്കുമരുന്നുമായാണ് ഇവര് അബൂദബിയിലേക്ക് എത്തിയത്. ഒരു കിലോ 448 ഗ്രാം ഹെറോയിന് ആണ് ഇവരില് നിന്ന് പിടികൂടിയത്. അബൂദബി പൊലീസിന്െറ കുറ്റാന്വേഷണ വിഭാഗത്തിലെ ആന്റി നാര്ക്കോട്ടിക്സ് വിഭാഗത്തിന് ലഭിച്ച വിവരത്തെ തുടര്ന്ന് നടത്തിയ അന്വേഷണത്തിലാണ് പിടിയിലായത്. രണ്ട് ഷൂവിനുള്ളില് ഒളിപ്പിച്ച മയക്കുമരുന്ന് പ്ളാസ്റ്റിക് ബാഗിലാണ് സൂക്ഷിച്ചിരുന്നത്. പൊലീസിനെ കണ്ട് പ്രതികളിലൊരാള് കടന്നുകളയാന് ശ്രമിച്ചെങ്കിലും പിടികൂടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.