അല്ഐന്: കളി കഴിഞ്ഞ് വീട്ടിലേക്ക് മടങ്ങുകയായിരുന്ന മലയാളി വിദ്യാര്ഥി വാഹനമിടിച്ച് മരിച്ചു. അല്ഐന് ഇന്ത്യന് സ്കൂളിലെ രണ്ടാം ക്ളാസ് വിദ്യാര്ഥിയും കാസര്കോട് ചെറുവത്തൂര് സ്വദേശി ഇസ്മായിലിന്െറ മകനുമായ ഷഹ്സാദ് (എട്ട്) ആണ് മരിച്ചത്. ശനിയാഴ്ച വൈകുന്നേരം ആറോടെ വീടിന് സമീപത്താണ് അപകടമുണ്ടായത്.
കളി കഴിഞ്ഞ ശേഷം സൈക്കിളില് മടങ്ങുകയായിരുന്നു. റോഡ് മുറിച്ചുകടക്കുന്നതിനായി ക്രോസിങില് കാത്തുനില്ക്കുന്നതിനിടെ അമിതവേഗത്തില് എത്തിയ ലാന്റ്ക്രൂയിസര് ഇടിക്കുകയായിരുന്നു. കുട്ടി തല്ക്ഷണം മരിച്ചു. മൃതദേഹം ജീമി ആശുപത്രി മോര്ച്ചറിയിലേക്ക് മാറ്റി.
അല്ഐനില് സ്വകാര്യ സ്ഥാപനത്തില് ജോലി ചെയ്യുന്ന പിതാവ് ഇസ്മായില് അവധിക്ക് നാട്ടില് പോയിരിക്കുകയായിരുന്നു. അപകടം അറിഞ്ഞ് അല്ഐനിലേക്ക് തിരിച്ചിട്ടുണ്ട്. നാസിയയാണ് മാതാവ്. സഹോദരങ്ങള്: സൈനബ്, ഷാഹിന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.