മമ്പാട് എം.ഇ.എസ് കോളജ് ജിദ്ദ അലുമ്നിയുടെ ഉപഹാരം യാക്കൂബിന് ഹുസൈൻ ചുള്ളിയോടും അസൈൻ ഇല്ലിക്കലും ചേർന്നു സമ്മാനിക്കുന്നു
ജിദ്ദ: 29 വർഷത്തെ പ്രവാസജീവിതം അവസാനിപ്പിച്ച് ഈ മാസം 29ന് നാട്ടിലേക്ക് മടങ്ങുന്ന മമ്പാട് എം.ഇ.എസ് കോളജ് ജിദ്ദ അലുമ്നിയുടെ ദീർഘകാല സീനിയർ വൈസ് പ്രസിഡൻറ് യാക്കൂബ് പൂവത്തി എന്ന യാക്കൂബ് ചെറുകോടിന് അലുമ്നി യാത്രയയപ്പ് നൽകി. ജിദ്ദയിലെ ബഹറാവി ട്രേഡിങ് കമ്പനിയിൽ സെക്രട്ടറിയായി ജോലി തുടങ്ങിയ യാക്കൂബ് സപ്ലൈ ചെയിൻ മാനേജറായാണ് പിരിയുന്നത്.
29 വർഷം തുടർച്ചയായി ഒരേ കമ്പനിയിൽ ജോലി ചെയ്തു പിരിയുന്നുവെന്ന പ്രത്യേകതയുമുണ്ട്. യങ് ചലഞ്ചേഴ്സ് ഫുട്ബാൾ ക്ലബ് സ്ഥാപക പ്രസിഡൻറ്, ചെറുകോട് പ്രവാസി കൂട്ടായ്മ പ്രഥമ ജനറൽ സെക്രട്ടറി, തഹ്ലിയ െറസിഡൻഷ്യൽ അസോസിയേഷൻ പ്രസിഡൻറ്, ചെറുകോട് അൽഹിദായ യതീംഖാന ജിദ്ദ കമ്മിറ്റി അംഗം എന്നീ നിലകളിലും പ്രവർത്തിച്ചിരുന്നു. ജോലിചെയ്യുന്ന കമ്പനിയിലും ജിദ്ദ പ്രവാസികൾക്കിടയിലും വിപുലമായ സൗഹൃദം യാക്കൂബിനുണ്ട്.
ശറഫിയ സഫയർ ഹോട്ടലിൽ നടന്ന യാത്രയയപ്പ് യോഗത്തിൽ പ്രസിഡൻറ് അസൈൻ ഇല്ലിക്കൽ അധ്യക്ഷത വഹിച്ചു. മുഖ്യ രക്ഷാധികാരി ഹുസൈൻ ചുള്ളിയോട് ഉദ്ഘാടനം ചെയ്തു.
സലീം മമ്പാട്, ദമ്മാം അലുമ്നി പ്രസിഡൻറ് ആസിഫ് ചുള്ളിയോട്, എം.എ. ഖാദർ, ശരീഫ് പുല്ലങ്കോട് എന്നിവർ സംസാരിച്ചു. യാക്കൂബ് മറുപടി പ്രസംഗം നടത്തി. അലുമ്നിയുടെ ഉപഹാരം അസൈൻ ഇല്ലിക്കലും ഹുസൈൻ ചുള്ളിയോടും ചേർന്ന് സമ്മാനിച്ചു. ജനറൽ സെക്രട്ടറി ഗഫൂർ മമ്പാട് സ്വാഗതവും ലത്തീഫ് നരിപ്പറ്റ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.