‘വേൾഡ് ടൂറിങ് കാർ കപ്പ്’ കാറോട്ട മത്സര ജേതാക്കളെ ജിദ്ദ ഗവർണർ അമീർ സഊദ് ബിൻ അബ്ദുല്ല ബിൻ ജലവി കിരീടം അണിയിക്കുന്നു
ജിദ്ദ: ഇന്റർനാഷനൽ ഓട്ടോമൊബൈൽ ഫെഡറേഷൻ സംഘടിപ്പിച്ച 'വേൾഡ് ടൂറിങ് കാർ കപ്പ്' (ഡബ്ല്യു.ടി.സി.ആർ) കാറോട്ട മത്സരം സമാപിച്ചു. സൗദി മോട്ടോർ സ്പോർട്സ് കമ്പനിയുടെ സഹകരണത്തോടെ വെള്ളിയാഴ്ച മുതൽ ഞായറാഴ്ച വരെ ജിദ്ദ കോർണിഷ് കാറോട്ട മത്സര ട്രാക്കിലാണ് മത്സരങ്ങൾ നടന്നത്. ബെൽജിയൻ താരം ഗൈൽസ് മാഗ്നസിനാണ് ഒന്നാം സ്ഥാനം.
കോംടോയോ ഓഡി സ്പോർട്ട് ടീം ഡ്രൈവർ മാസിഡോണിയൻ താരം വിക്ടർ ഡേവിഡോവ്സ്കി രണ്ടാം സ്ഥാനവും സ്ക്വാഡ കോർസ് ടീമിലെ ബി.ആർ.സി ഹ്യുണ്ടായ് ഡ്രൈവർ സ്പാനിഷ് താരം മൈക്കൽ അസ്കോണ മൂന്നാം സ്ഥാനവും നേടി.
കാറോട്ട മത്സരത്തിൽനിന്ന്
ജിദ്ദ ഗവർണർ അമീർ സഊദ് ബിൻ അബ്ദുല്ല ബിൻ ജലവി വിജയികളെ കിരീടമണിയിച്ചു. സൗദി മോട്ടോർ സ്പോർട്സ് ഫെഡറേഷൻ ഡയറക്ടർ ബോർഡ് ചെയർമാൻ അമീർ ഖാലിദ് ബിൻ സുൽത്താൻ അൽഫൈസൽ, സൗദി ഫെഡറേഷൻ ഓഫ് മോട്ടോഴ്സ് ആൻഡ് മോട്ടോർ സൈക്കിൾസ് ഡയറക്ടർ ബോർഡ് അംഗം അമീർ തലാൽ ബിൻ മുഹമ്മദ് അൽ അബ്ദുല്ല അൽ ഫൈസൽ എന്നിവർ ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.