​​​​​വനിത ഡ്രൈവിംഗ്​: കാർ, ഇൻഷുറൻസ്​ വിപണികൾക്ക്​ പ്രതീക്ഷ

ജിദ്ദ: സൗദിയിൽ സ്​ത്രീകൾക്ക്​ ഡ്രൈവിംഗിന്​ അനുമതി നൽകിയ സാഹചര്യത്തിൽ  രാജ്യത്തെ കാർവിപണി സജീവമാകുമെന്ന്​  വിലയിരുത്തൽ. ആഗോളാടിസ്​ഥാനത്തിലുണ്ടായ സാമ്പത്തിക മാന്ദ്യത്തെ തുടർന്ന്​ കാർ വിപണിയിലുണ്ടായ മാന്ദ്യം​ പുതിയ തീരുമാനത്തോടെ മാറുമെന്ന​ പ്രതീക്ഷയിലാണ്​ ഇൗ മേഖലയിലുള്ളവർ. 2015 ലെ കാർ ഇറക്കുമതിയുമായി താരതമ്യം ചെയ്യു​േമ്പാൾ 2016ൽ ഏകദേശം 25 ശതമാനം ഇറക്കുമതി കുറഞ്ഞതായാണ്​ കണക്ക്​.  2016ൽ  7,25000 കാറുകളാണ്​ ഇറക്കുമതി ചെയ്​തത്​. 2015 ൽ 9,64000 ആയിരുന്നു. യൂസ്​ഡ്​ കാറുകളുടെ ഇറക്കുമതിയിൽ 44.5 ശതമാനം കുറവുണ്ടായിട്ടുണ്ട്​. കഴിഞ്ഞ രണ്ട്​ വർഷമായി കാർ വിപണന രംഗത്ത്​  ഏകദേശം 20 ശതമാനം കുറവുണ്ടെന്നാണ്​   വിലയിരുത്തൽ. രാജാവി​​െൻറ പുതിയ ഉത്തരവിലൂടെ കാർ ഇറക്കുമതിയും  വിൽപനയും കൂടുമെന്നും സാമ്പത്തിക വളർച്ചക്ക്​ ആക്കം കൂടുമെന്നും ഏജൻസികൾ കരുതുന്നു. കൂടുതൽ മോഡലുകൾ രാജ്യത്തേക്ക്​ ഇറക്കുമതി ചെയ്യാനും പുതിയ തീരുമാനം അവസരമൊരുക്കും. ഇത്​ വിൽപനയിൽ 15 മുതൽ 20 ശതമാനം വരെ വർഷത്തിൽ  വർധനവുണ്ടാക്കുമെന്ന്​ റിപ്പോർട്ടുണ്ട്​. 

മധ്യപൗരസ്​ത്യ രാജ്യങ്ങളിലെ ഏറ്റവും വലിയ കാർവിപണിയാണ്​ സൗദി അറേബ്യ. ജനസംഖ്യ കൂടിയതിനാൽ മേഖലയിൽ കൂടുതൽ കാറുകളുള്ള രാജ്യവുമാണ്​.  കൂടുതൽ കാറുകൾ സൗദിയിലേക്ക്​ ഇറക്കുമതി ചെയ്യാനാകുമെന്ന കണക്ക്​ കൂട്ടലിലാണ്​ പ്രമുഖ അന്താരാഷ്​ട്ര  കമ്പനികൾ. രാജാവി​​െൻറ തീരുമാനത്തെ പ്രമുഖ കാർ നിർമാതാക്കളായ നിസാൻ, ബി.എം.ഡബ്ല്യു തുടങ്ങിയ കമ്പനികൾ  സ്വാഗതം ചെയ്​തു. രാജ്യത്തെ ഇടത്തരം കാറുകളിൽ 71 ശതമാനം ടയോട്ട, ഹ്യൂണ്ടായ്​, കിയാ, നിസാൻ എന്നിവയാണ്​.  ഇത്തരം കാറുകളുടെ വിൽപന ഇനിയും കൂടാനാണ്​ സാധ്യത. അതോടൊപ്പം സ്​ത്രീകൾക്ക്​ ഡ്രൈവിങ്​ എളുപ്പമാക്കുന്ന   മിനി കാറുകൾ വിപണിയിലെത്തിക്കാനും ചില കമ്പനികൾ ആലോചിക്കുന്നതായി റിപ്പോർട്ടുണ്ട്​. കാർ വിപണി സജീവമാകുന്നതോടെ വാഹനങ്ങളുടെ എണ്ണവും കൂടും. ഒരോ വീടുകളിലെ കാറുകളുടെ എണ്ണത്തിലും ​വർധനവുണ്ടാകും. രണ്ടും അതിലധികവും കാറുകളുള്ളവരാണ്​ സൗദിയിലെ​ മിക്ക കുടുംബങ്ങളും.    വാഹന ഇൻഷുറൻസ്​ വിപണിക്കും പുതിയ സാഹചര്യം ഉണർവ്​ പകരുമെന്നാണ്​  പ്രതീക്ഷിക്കുന്നത്​. ആരോഗ്യ ഇൻഷുറൻസ്​ കഴിഞ്ഞാൻ  പ്രധാനപ്പെട്ട  ​​ മേഖലയാണ്​​ വാഹന ഇൻഷുറൻസ്​. രാജാവി​​െൻറ തീരുമാനത്തിലൂടെ  ​ ഉപഭോക്​താക്കളുടെ എണ്ണം കൂടുമെന്ന്​ ഇൻഷുറൻസ്​ കമ്പനി വക്​താവ്​ ആദിൽ ഇൗസ പറഞ്ഞു.