ജിദ്ദ: കാറ്റിൽ നിന്ന് വൈദ്യുതി ഉണ്ടാക്കുന്നതിന് റാബിഗിലെ കിങ് അബ്ദുല്ല ഇക്കണോമിക് സിറ്റിയും ഇൻറർനാഷനൽ വിൻഡ് എനർജി കമ്പനിയും കരാർ ഒപ്പുവെച്ചു. ഇകണോമിക് സിറ്റിയിൽ ഇതിനായി കാറ്റാടി പ്ലാൻറ് സ്ഥാപിക്കും. ഇതിനാവശ്യമായ ടവറുകളും മറ്റും സംവിധാനങ്ങളും ഇൻറർനാഷനൽ വിൻഡ് എനർജി കമ്പനിയാണ് ഒരുക്കുക.
പുനരുപയുക്ത ഉൗർജ രംഗത്ത് വലിയ മുന്നേറ്റം സാധ്യമാക്കുന്ന കരാറിൽ ഒപ്പുവെക്കാൻ കഴിഞ്ഞതിൽ കിങ് അബ്ദുല്ല ഇക്കണോമിക് സിറ്റി എക്സിക്യൂട്ടീവ് മേധാവി ഫഹദ്് അൽറഷീദ് സന്തുഷ്ടി പ്രകടിപ്പിച്ചു. 1,02,000 ചതുരശ്ര മീറ്ററിലാണ് പ്ലാൻറ് നിർമിക്കുന്നത്. ഇൻഡസ്ട്രിയൽ വാലിയെ വ്യത്യസ്ഥ വ്യവസായ, സേവന പദ്ധതികളിലൂടെ വികസിപ്പിക്കുകയും നിക്ഷേപകർക്ക് അവസരമൊരുക്കുകയുമാണ് ലക്ഷ്യമിടുന്നത്. വിഷൻ 2030 ലൂടെ ദേശീയ, അന്തർദേശീയ നിക്ഷേപകർക്ക് കവാടം തുറക്കപ്പെട്ടിരിക്കയാണെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.