അഞ്ചുലക്ഷം വർഷം പഴക്കമുള്ള ആനയുടെ അസ്​ഥികൾ കണ്ടെത്തി

റിയാദ്​: അഞ്ചുലക്ഷം വർഷം പഴക്കമുള്ള ആനയുടെ അവശിഷ്​ടങ്ങൾ സൗദി അറേബ്യൻ മരുഭൂമിയിൽ കണ്ടെത്തി. വടക്കുപടിഞ്ഞാറൻ സൗദിയിലെ തൈമ നഗരത്തിന്​ സമീപം നഫൂദ്​ മരുഭൂമിയിലാണ്​ ചെറിയ ആനയുടേതെന്ന്​ കരുതുന്ന വാരിയെല്ലും കാലസ്​ഥിയും പുരാവസ്​തു പര്യവേക്ഷണത്തിനിടയിൽ കിട്ടിയത്​. സൗദി കമീഷൻ ഫോർ ടൂറിസം ആൻഡ്​ നാഷനൽ ഹെരിറ്റേജി​​െൻറ (എസ്​.സി.ടി.എച്ച്​) നേതൃത്വത്തിൽ നടക്കുന്ന ഉദ്​ഖനനത്തിലൂടെ ആനയുടെ ശരീരാവശിഷ്​ടങ്ങളിൽ 84 ശതമാനവും കണ്ടെത്തി കഴിഞ്ഞതായി കമീഷൻ വക്താവ്​ താരിഖ്​ അബഅൽഖൈൽ അറിയിച്ചു. 2014 മുതൽ ഇതുവരെ നടത്തിയ ജിയോളജിക്കൽ സർവേയുടെ ഫലമായി ആനയുൾപ്പെടെ വിവിധ സസ്​തനികളുടെ 303 ശാരീരികാവശിഷ്​ടങ്ങൾ കണ്ടെത്തി​. 

ഉദ്​ഖനത്തിലൂടെ​ നേരത്തെ കിട്ടിയ ആനയുടെ കൊമ്പടക്കമുള്ള അവശിഷ്​ടങ്ങൾ ആറുവർഷം പഴക്കമുള്ളതാണെന്നാണ്​ നിഗമനം​. സാമാന്യത്തിൽ കൂടുതൽ വലിപ്പമുള്ള ആനയാണെന്ന്​ തോന്നിക്കുന്ന അവശിഷ്​ടങ്ങളാണ്​ അവ. ബത്​ഹക്ക്​ സമീപം മുറബ്ബയിലുള്ള റിയാദ്​ നാഷനൽ മ്യൂസിയത്തിൽ ഇവ പ്രദർശിപ്പിച്ചിട്ടുണ്ട്​. സൗദി പുരാവസ്​തുക്കളുമായി ലോകപര്യടനം നടത്തുന്ന ‘റോഡ്​സ്​ ഒാഫ്​ അറേബ്യ’ തിരിച്ചെത്തിയതിനെ തുടർന്ന്​ നടത്തുന്ന പ്രദർശനത്തിലാണ്​ ഇവയും നിരത്തിയിട്ടുള്ളത്​. ഇനിയും 40 ദിവസത്തോളം തുടരുന്ന പ്രദർശനം കാണാൻ പൊതുജനങ്ങൾക്ക്​ സൗജന്യ അവസരമാണിപ്പോഴുള്ളത്​. ഇപ്പോൾ കിട്ടിയ ചെറിയ ആനയുടെ അസ്ഥികൾ ലോക പ്രശസ്​ത ഫോസിൽ ശാസ്​ത്രജ്ഞൻ പ്രഫ. ഡാനിയേൽ ഫിഷറി​​െൻറ നേതൃത്വത്തിൽ പഠനവിധേയമാക്കിയിരിക്കുകയാണെന്നും ആനകളുടെ പരിണാമവും ഒാരോ കാലഘട്ടത്തിലെയും ജീവിതവും പെരുമാറ്റവും സൂക്ഷ്​മമായി മനസിലാക്കാൻ ഇൗ അവശിഷ്​ടങ്ങളിലെ പഠനം കൊണ്ട്​ കഴിയുമെന്നും ഞായറാഴ്​ച റിയാദിൽ നടത്തിയ പ്രഭാഷണത്തിൽ അദ്ദേഹം വ്യക്​തമാക്കിയതായും എസ്​.സി.ടി.എച്ച്​ ഫോസിൽ ഡിപ്പാർട്ട്​മ​െൻറിലെ വിദഗ്​ധൻ​ ഡോ. ഇയാദ്​ സാൽമോട്ട്​ പറഞ്ഞു.

അഞ്ച്​ ലക്ഷം വർഷം മുമ്പ്​ ജീവിച്ച ആന വർഗത്തി​​െൻറ ജീവിത രീതിയും ആയൂർദൈർഘ്യവും കാലാവസ്​ഥയും മറ്റും മനസിലാക്കാൻ ഇൗ ആനയുടെ അവശിഷ്​ടങ്ങൾ ഒരു ’ബ്ലാക്ക്​ ബോക്​സാ’യി തന്നെ ഉപയോഗിക്കാൻ കഴിയുമെന്നും അദ്ദേഹം കൂട്ടിച്ചേർത്തു. അറേബ്യൻ ഉപഭൂഖണ്ഡം ലക്ഷക്കണക്കിന്​ വർഷങ്ങൾക്ക്​ മുമ്പ് പുൽമേടുകളും കുറ്റിക്കാടുകളും നിറഞ്ഞ ശാദ്വല പ്രദേശമായിരുന്നെന്നും പിന്നീടാണ്​ മരുഭൂമിയായി മാറുകയായിരുന്നെന്ന ധാരണയെ ഉറപ്പിക്കുന്നതായി പുതിയ കണ്ടുപിടിത്തവും.