തിരുവനന്തപുരം പ്രവാസി അസോസിയേഷൻ 10ാം വാർഷികാഘോഷ പോസ്റ്റർ പ്രകാശന ചടങ്ങ്
ദമ്മാം: തിരുവനന്തപുരം പ്രവാസി അസോസിയേഷൻ (ട്രിപ) 10ാം വാർഷികം ജനുവരി 20ന് നടക്കുമെന്ന് ഭാരവാഹികൾ അറിയിച്ചു. 'പത്തരമാറ്റ്' എന്ന പരിപാടിയുടെ പോസ്റ്റർ പ്രകാശനം ചെയ്തു.
കിഴക്കൻ പ്രവിശ്യയിലെ വിവിധ സംഘടനകളുടെ ഭാരവാഹികളായ നജീബ് അറഞ്ഞിക്കൽ, അഷ്റഫ് ആലുവ, സി.കെ. ഷഫീക്, അനിൽ കുമാർ, പ്രോഗ്രാം കമ്മിറ്റി കൺവീനർ ഷമീം കാട്ടാക്കട, രക്ഷാധികാരി അബ്ദുസ്സലാം തുടങ്ങിയവർ ചേർന്ന് നിർവഹിച്ചു.
പ്രശസ്ത സിനിമ പിന്നണി ഗായകരായ ജാസി ഗിഫ്റ്റ്, സുമി അരവിന്ദ്, പ്രദീപ് ബാബു എന്നിവരോടൊപ്പം സിനിമ കോമഡി താരങ്ങളായ നോബി മാർക്കോസും ബിനു കമാലും അണിയിച്ചൊരുക്കുന്ന സംഗീത ഹാസ്യവിരുന്നാണ് പ്രധാന പരിപാടിയെന്ന് സംഘാടകർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.