ജിദ്ദ: ടൂറിസം വിസയിലെത്തിയവർക്ക് ഹജ്ജ് കർമങ്ങൾക്ക് അനുവാദമില്ലെന്ന് സൗദി ടൂറിസം മന്ത്രാലയം വ്യക്തമാക്കി. ടൂറിസം വിസ അതിന്റെ ഉടമക്ക് ഹജ്ജ് നിർവഹിക്കാനുള്ള അവകാശം നൽകുന്നില്ലെന്നും രാജ്യത്തായിരിക്കുമ്പോൾ ഹജ്ജ് തീർഥാടനം നടത്തുന്നതിന് നിയമം അനുവദിക്കുന്നില്ലെന്നും അധികൃതർ പറഞ്ഞു. ഹജ്ജ് സീസണിൽ ഉംറ നിർവഹിക്കാനും അനുവാദമില്ല. ടൂറിസം ആവശ്യത്തിനായി സന്ദർശക വിസയിൽ രാജ്യത്തേക്ക് വരുന്നവർ വിസ ലഭിക്കുന്നതിനുമുമ്പ് നിർദേശങ്ങൾ പൂർണമായും പാലിക്കണം. നിയമലംഘനങ്ങൾ ഇല്ലാതാക്കാൻ ഇത് സഹായിക്കുമെന്നും ടൂറിസം മന്ത്രാലയം വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.