സ്പോ​ൺ​സ​ർ ക​നി​ഞ്ഞു; ഹ​ജ്ജ് എ​ന്ന സ്വ​പ്ന​സാ​ക്ഷാ​ത്കാ​ര നി​ർ​വൃതി​യി​ൽ അ​ബ്​​ദു​സ്സ​ലാം

അ​ൽ ഖോ​ബാ​ർ: ഹ​ജ്ജ് എ​ന്ന സ്വ​പ്ന​സാ​ക്ഷാ​ത്കാ​ര​ത്തി​​ന്‍റെ ആ​ത്മ​നി​ർ​വൃ​തി​യി​ലാ​ണ് അ​ബ്​​ദു​സ്സ​ലാം. മൂ​ന്നു​ പ​തി​റ്റാ​ണ്ട്​ മു​മ്പ് പ്ര​വാ​സം ആ​രം​ഭി​ച്ച​പ്പോ​ൾ മ​ന​സ്സി​ൽ കോ​റി​യി​ട്ട​താ​ണ് ഹ​ജ്ജ് ചെ​യ്യ​ണ​മെ​ന്ന ആ​ഗ്ര​ഹം. 30 വ​ർ​ഷ​ങ്ങ​ൾ​ക്കി​പ്പു​റം ഹ​ജ്ജ് യാ​ഥാ​ർ​ഥ്യ​മാ​ക്കി ദ​മ്മാ​മി​ലെ താ​റൂ​ത്ത് എ​ന്ന ജോ​ലി​സ്ഥ​ല​ത്ത് തി​രി​കെ​യെ​ത്തു​മ്പോ​ൾ മ​ന​സ്സ് തി​ര​യ​ട​ങ്ങി​യ ക​ട​ൽ​പോ​ലെ ശാ​ന്തം. കാ​ത്തു​കാ​ത്തി​രു​ന്ന് നി​ർ​വ​ഹി​ച്ച ഹ​ജ്ജി​ലെ ഓ​രോ ക​ർ​മ​വും അ​ത്ര​മേ​ൽ ആ​സ്വ​ദി​ച്ചാ​ണ് തൃ​ശൂ​ർ ക​രു​പ്പ​ട​ന്ന സ്വ​ദേ​ശി അ​ബ്​​ദു​സ്സ​ലാം പൂ​ർ​ത്തി​യാ​ക്കി​യ​ത്.

സ്പോ​ൺ​സ​ർ അം​ജ​ദ് അ​ൽ നൂ​ഹും സ​ഹ​ധ​ർ​മി​ണി റു​ഫൈ​ദ​യു​മാ​ണ് ഈ ​ചി​ര​കാ​ല സ്വ​പ്ന​ത്തി​ന് നി​റ​മേ​കി​യ​ത്. അ​ബ്​​ദു​സ്സ​ലാ​മി​നൊ​പ്പം ഭാ​ര്യ ഹ​സീ​ന​ക്കും അ​വ​സ​രം ല​ഭി​ച്ചെ​ങ്കി​ലും സാ​ങ്കേ​തി​ക കാ​ര​ണ​ങ്ങ​ളാ​ൽ അ​വ​ർ​ക്ക് ഹ​ജ്ജി​നെ​ത്താ​ൻ ക​ഴി​ഞ്ഞി​ല്ല. 31 വ​ർ​ഷ​മാ​യി പ്ര​വാ​സം ന​യി​ക്കു​ന്ന അ​ബ്​​ദു​സ്സ​ലാം ക​രു​പ്പ​ട​ന്ന​യി​ലാ​ണ് ജ​നി​ച്ച​തും വ​ള​ർ​ന്ന​തും. പ​ഠി​ക്കാ​നേ​റെ ആ​ഗ്ര​ഹം ഉ​ണ്ടാ​യി​രു​ന്നെ​ങ്കി​ലും സാ​ഹ​ച​ര്യ​ങ്ങ​ൾ​മൂ​ലം വേ​ണ്ട വി​ധം പ​ഠ​ന​ത്തി​ൽ ശ്ര​ദ്ധി​ക്കാ​ൻ ക​ഴി​യാ​തെ പോ​യി.

നാ​ളി​കേ​ര ക​ച്ച​വ​ട​ക്കാ​ര​നാ​യി​രു​ന്ന പി​താ​വി​നെ സ​ഹാ​യി​ക്കാ​ൻ ഇ​റ​ങ്ങി​ത്തി​രി​ച്ച​തു മു​ത​ൽ ജീ​വി​ത പ്രാ​ര​ബ്ധ​ങ്ങ​ൾ ഒ​ന്നൊ​ന്നാ​യി ചു​മ​ലി​ലേ​റി​ക്കൊ​ണ്ടി​രു​ന്നു. വി​വാ​ഹ​ത്തി​നു​ശേ​ഷം 1991 ലാ​ണ് പ്ര​വാ​സി​യാ​യി ഒ​മാ​നി​ൽ എ​ത്തു​ന്ന​ത്. പാ​ച​ക​ക്കാ​ര​നാ​യി പ​ല​യി​ട​ത്തും ജോ​ലി നോ​ക്കി. പി​ന്നീ​ട് ഷാ​ർ​ജ​യി​ലേ​ക്ക് പോ​യി. പ്ര​വാ​ച​ക​ൻ മു​ഹ​മ്മ​ദി​​ന്‍റെ കാ​ൽ പാ​ദ​ങ്ങ​ൾ പ​തി​ഞ്ഞ പു​ണ്യ​ന​ഗ​ര​ങ്ങ​ൾ ഉ​ൾ​ക്കൊ​ള്ളു​ന്ന സൗ​ദി അ​റേ​ബ്യ സ​ന്ദ​ർ​ശി​ക്കാ​നും ഉം​റ നി​ർ​വ​ഹി​ക്കാ​നും ഏ​റെ മോ​ഹ​മാ​യി​രു​ന്നു.

ഷാ​ർ​ജ​യി​ൽ ജോ​ലി​ചെ​യ്യു​മ്പോ​ൾ അ​വ​സ​രം ല​ഭി​ച്ചെ​ങ്കി​ലും നാ​ട്ടി​ലേ​ക്ക് തി​രി​ച്ചു​പോ​കേ​ണ്ടി വ​ന്ന​തു മൂ​ലം ക​ഴി​ഞ്ഞി​ല്ല. നാ​ട്ടി​ലെ​ത്തി സ്വ​ന്ത​മാ​യി കാ​റ്റ​റി​ങ്​ സ​ർ​വി​സ് തു​ട​ങ്ങി. അ​ങ്ങ​നെ​യി​രി​ക്കെ ഒ​രു സു​ഹൃ​ത്താ​ണ് സൗ​ദി അ​റേ​ബ്യ​യി​ൽ ഒ​രു പാ​ച​ക​ക്കാ​ര​​ന്‍റെ ജോ​ലി ഒ​ഴി​വു​ണ്ടെ​ന്ന് അ​റി​യി​ച്ച​ത്. ത​​ന്‍റെ അ​ഭി​ലാ​ഷ പൂ​ർ​ത്തീ​ക​ര​ണ​ത്തി​നു​ള്ള ഒ​ര​വ​സ​ര​മാ​ണി​തെ​ന്ന് ചി​ന്തി​ച്ച അ​ബ്​​ദു​സ്സ​ലാം കൂ​ടു​ത​ലൊ​ന്നും ആ​ലോ​ചി​ക്കാ​തെ സൗ​ദി​യി​ലേ​ക്ക് വി​മാ​നം ക​യ​റി.

ഖ​ത്വീ​ഫി​ലെ താ​റൂ​ത്തി​ൽ പാ​ച​ക​ക്കാ​ര​നാ​യി ജോ​ലി ചെ​യ്തു തു​ട​ങ്ങി​യ അ​ദ്ദേ​ഹ​ത്തി​ന് ത​​ന്‍റെ സ്‌​പോ​ൺ​സ​റു​ടെ ന​ന്മ​യും സ്നേ​ഹ​വും വൈ​കാ​തെ അ​നു​ഭ​വ​ഭേ​ദ്യ​മാ​യി. നേ​ര​ത്തേ ഉം​റ​ക്ക് അ​വ​സ​രം ന​ൽ​കി​യ സ്പോ​ൺ​സ​ർ ഇ​ത്ത​വ​ണ ഹ​ജ്ജ് എ​ന്ന സ്വ​പ്ന​ത്തി​നും പ​ച്ച​ക്കൊ​ടി കാ​ണി​ച്ചു. വീ​ടു​ക​ളി​ൽ പാ​ച​ക​ക്കാ​ർ ഏ​റെ ആ​വ​ശ്യ​മു​ള്ള പെ​രു​ന്നാ​ൾ സ​മ​യ​മാ​യി​ട്ടും സ്പോ​ൺ​സ​ർ അ​ബ്​​ദു​സ്സ​ലാ​മി​ന് ഹ​ജ്ജി​ന് അ​നു​വാ​ദം ന​ൽ​കി. കി​ഴ​ക്ക​ൻ പ്ര​വി​ശ്യ​യി​ലെ വി​ശ്വാ​സി​ക​ൾ​ക്കാ​യി ത​നി​മ ക​ലാ​സാം​സ്​​കാ​രി​ക വേ​ദി ഒ​രു​ക്കി​യ ഹ​ജ്ജ് സം​ഘ​ത്തോ​ടൊ​പ്പം ചേ​ർ​ന്ന അ​ബ്​​ദു​സ്സ​ലാം അ​വ​രു​ടെ ബ​സി​ലാ​ണ് ഹ​ജ്ജ് ചെ​യ്തു മ​ട​ങ്ങി​യെ​ത്തി​യ​ത്. ഹ​ജ്ജ് ക​ഴി​ഞ്ഞ്​ തി​രി​ച്ചെ​ത്തി​യ അ​ബ്​​ദു​സ്സ​ലാ​മി​നെ സ്പോ​ൺ​സ​ർ ഫോ​ണി​ൽ വി​ളി​ച്ചു സ്നേ​ഹ​വും സ​ന്തോ​ഷ​വും പ​ങ്കു​െ​വ​ച്ചു.

ത​നി​ക്ക് പ​ഠി​ക്കാ​ൻ ക​ഴി​ഞ്ഞി​ല്ലെ​ങ്കി​ലും മ​ക്ക​ളെ ന​ല്ല രീ​തി​യി​ൽ പ​ഠി​പ്പി​ക്ക​ണം എ​ന്ന ആ​ഗ്ര​ഹ​മാ​യി​രു​ന്നു മ​ന​സ്സ് നി​റ​യെ. ഇ​ള​യ മ​ക​ൻ ബി​രു​ദം നേ​ടി ഗ്രാ​ഫി​ക്സ് ഡി​സൈ​ന​റാ​യി ജോ​ലി ചെ​യ്യു​ന്നു. നാ​ട്ടി​ലെ അ​റി​യ​പ്പെ​ടു​ന്ന ഗാ​യ​ക​ൻ കൂ​ടി​യാ​യ അ​ബ്​​ദു​സ്സ​ലാം ജ​ന​സേ​വ​ന​ത്തി​ലും ഏ​റെ ത​ൽ​പ​ര​നാ​ണ്. പി​താ​വ്: കു​ഞ്ഞു​മ​ര​ക്കാ​ർ, മാ​താ​വ്: സൈ​ന​ബ, ഭാ​ര്യ: ഹ​സീ​ന, മ​ക്ക​ൾ: അ​ജ്മ​ൽ ഷാ, ​അ​മ​ൽ ഫാ​ത്തി​മ, അ​ഖി​ൽ അ​ഹ്‌​മ​ദ്‌, മ​രു​മ​ക്ക​ൾ: ഫ​ഹ​ദ്, ഷൈ​ഖ.