യാംബു: പ്രവാസികൾക്ക് ആവശ്യമായ സേവനങ്ങൾ ലഭ്യമാക്കാൻ ജിദ്ദ ഇന്ത്യൻ കോൺസുലേറ്റ്, വി.എഫ്.എസ് ഉദ്യോഗസ്ഥർ ഡിസംബർ 17ന് യാംബു മേഖല സന്ദർശിക്കും. യാംബു ടൗണിലെ കമേഴ്സ്യൽ പോർട്ടിന് എതിർവശത്തെ ഹയാത്ത് റദ്വ ഹോട്ടലിലാണ് സന്ദർശനം. രാവിലെ 8.30 മുതൽ കോൺസുലേറ്റ് ഉദ്യോഗസ്ഥരിൽനിന്ന് ആവശ്യമായ സേവനം ലഭിക്കും. പാസ്പോർട്ട് പുതുക്കൽ, അറ്റസ്റ്റേഷൻ തുടങ്ങിയ സേവനങ്ങൾ ആവശ്യമുള്ള യാംബു മേഖലയിലെ പ്രവാസികളായ ഇന്ത്യക്കാർ ഈ അവസരം ഉപയോഗിക്കണമെന്ന് കോൺസുലേറ്റ് അധികൃതർ അറിയിച്ചു. സേവനം ആവശ്യമുള്ളവർ സന്ദർശന തീയതിയുടെ തൊട്ടുമുമ്പുള്ള ഏഴുദിവസങ്ങൾക്കുള്ളിൽ മുൻകൂട്ടി അപ്പോയിൻറ്മെൻറ് എടുക്കണം. മുൻകൂട്ടി ബുക്കിങ് നടത്താത്തവർക്ക് കോൺസുലേറ്റ് സേവനം ലഭിക്കില്ല. കോൺസുലേറ്റ് സേവനത്തിനെത്തുന്നവർ കോവിഡ് മുൻകരുതൽ പൂർണമായും പാലിക്കണം. 'തവക്കൽനാ' ആപ് ഡൗൺ ലോഡ് ചെയ്ത് സ്റ്റാറ്റസ് ഹാജരാക്കണമെന്നും സാമൂഹിക അകലം പാലിക്കൽ, മാസ്ക് ധരിക്കൽ തുടങ്ങിയവ കർശനമായും പാലിക്കണമെന്നും കോൺസുലേറ്റ് അറിയിച്ചിട്ടുണ്ട്. സൗദി അധികൃതർ നൽകുന്ന നിയമ നിർദേശം പൂർണമായും പാലിച്ചുവേണം സേവനം ഉപയോഗപ്പെടുത്തേണ്ടതെന്നും കോൺസുലേറ്റ് അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.