കാറിന്​ പിന്നിലിടിച്ച വാഹനത്തി​ന്‍റെ പടമെടുത്ത മലയാളി ഡ്രൈവർക്ക് നേരെ ആക്രമണം

റിയാദ്: ത​​െൻറ കാറി​ന്​ പിന്നിലിടിച്ച വാഹനത്തി​​െൻറ പടമെടുക്കാൻ ശ്രമിക്കുന്നതിനിടെ അടിയേറ്റ്​ മലയാളിയുടെ കണ്ണിന്​ കാഴ്​ച നഷ്​ടപ്പെട്ടു. കോഴിക്കോട് കൊടുവള്ളി അരീക്കുളം സ്വദേശി മാത്തോത്ത് ജനാർദ്ദന​​െൻറ​ (44) വലത്​ കണ്ണിനാണ്​ 20 ശതമാനം കാഴ്​ച ​പോയത്​. വിദഗ്​ധ ചികിത്സക്കായി കഴിഞ്ഞ ദിവസം നാട്ടിലേക്ക്​ പോയി. മൂന്നാഴ്​ച മുമ്പുണ്ടായ സംഭവത്തെ തുടർന്ന്​ സഹായം തേടി ഇന്ത്യൻ എംബസിയിൽ സമീപിച്ചപ്പോഴാണ്​ പുറംലോകം അറിഞ്ഞത്​. 

റിയാദ്​ എക്സിറ്റ് ഏഴിലെ ട്രാൻസ്​പോർട്ടേഷൻ കമ്പനിയിൽ രണ്ടു വർഷമായി ൈഡ്രവറായ ഇയാൾ വിമാനത്താവളത്തിൽ നിന്ന്​ സുഹൃത്തിനെ കൊണ്ടുവരാൻ പോയപ്പോഴാണ്​ സംഭവം. വിമാനത്താവളത്തിന്​ സമീപമുള്ള ​പൊലീസ്​ ചെക്ക്​ പോസ്​റ്റ്​ കഴിഞ്ഞയുടനെ പിന്നിൽ മറ്റൊരു കാർ വന്നിടിച്ചു. നിറുത്തി ഇറങ്ങി നോക്കിയപ്പോൾ ത​​െൻറ കാറി​​െൻറ പിൻവശത്ത്​ സാരമായ തകരാറുണ്ടായതായി കണ്ടു. ഇൻഷുറൻസ്​ ആവശ്യത്തിനായി ഇടിച്ച കാറി​​െൻറ ഫോ​േട്ടാ മൊബൈൽ ഫോണുപയോഗിച്ച്​ എടുക്കാൻ ശ്രമിക്കു​േമ്പാഴാണ്​ അടിയേറ്റത്​. 

ഇടിച്ച കാറി​​െൻറ ​ഡ്രൈവറാണ്​ പ്രകോപിതനായി വടിയുമായി പുറത്തിറങ്ങി അടിച്ചത്​. വലത്തെ കണ്ണി​​െൻറ ഭാഗത്തേറ്റ അടിയിൽ നിലതെറ്റി ജനാർദ്ദനൻ വീണുപോയി. പോരയിൽ കുളിച്ച്​ റോഡരുകിൽ കിടന്ന ഇയാളെ ഒരു സ്വദേശി​ ചെക്ക്​ പോസ്​റ്റിലെ പോലീസിന്​ അടു​െത്തത്തിച്ചു​. അപ്പോഴേക്കും അക്രമി രക്ഷപ്പെട്ടിരുന്നു. പൊലീസ്​ ഉടനെ ആംബുലൻസ്​ വരുത്തി വിമാനത്താവളത്തിലെ എമർജൻസി ക്ലിനിക്കിലെത്തിച്ച്​ പ്രഥമ ശുശ്രൂഷ നൽകി. പിന്നീട് ബദീഅ കിങ്​ സൽമാൻ ആശുപത്രിയിലേക്ക് മാറ്റി. 

കണ്ണിന്​ സാരമായി പരിക്കേറ്റതിനാൽ 20 ശതമാനം കാഴ്ച നഷ്​ടപ്പെട്ടിട്ടുണ്ടെന്നും ശസ്​ത്രക്രിയ ചെയ്താലേ ശേഷി തിരിച്ചുകിട്ടുവെന്നും​ ഡോക്ടർമാർ അറിയിച്ചു. ശസ്​ത്രക്രിയക്ക് വൻതുക ചെലവാകുമെന്നതിനാൽ ഡോക്ടർമാരുടെ നിർദേശപ്രകാരം നാട്ടിൽ പോയി വിദഗ്​ധ ചികിത്സ തേടാൻ തീരുമാനിക്കുകയായിരുന്നു. തുടർന്നാണ്​ സഹായം തേടി എംബസി കമ്യൂണിറ്റി വെൽഫെയർ വിഭാഗത്തെ സമീപിച്ചത്​. 

ഇന്ത്യൻ സോഷ്യൽ ഫോറം ജീവകാരുണ്യ വിഭാഗം ചെയർമാൻ മുനീബ് പാഴൂരിനെ എംബസിയധികൃതർ ചുമതലപ്പെടുത്തിയത്​ പ്രകാരം പൊലീസുമായി ബന്ധപ്പെട്ട്​ അന്വേഷണം നടത്തി. ഇടിച്ച വാഹനത്തേയോ അക്രമിയേയൊ കുറിച്ച് വിവരം ലഭിച്ചിട്ടില്ലെന്നും എന്നാൽ കേസെടുത്ത്​ അന്വേഷണം തുടരുകയാണെന്നുമാണ്​ പൊലീസ്​ അറിയിച്ചത്​.