ത്വാഇഫ്: ന്യൂ ത്വാഇഫിൽ ഏകീകൃത സേവന സെൻററും സൗരോർജ പ്ലാൻറും മക്ക ഗവർണർ അമീർ ഖാലിദ് അൽഫൈസൽ ഉദ്ഘാടനം ചെയ്തു. ഒരു ലക്ഷം ചതുരശ്ര മീറ്ററിലാണ് സോളാർ പ്ലാൻറ് സംവിധാനിച്ചിരിക്കുന്നത്. പ്രതിദിനം അഞ്ച് മെഗാവാട്ട് വൈദ്യുതി വരെ ഉൽപാദിപ്പിക്കാൻ കഴിയും. ന്യൂ ത്വാഇഫ് പദ്ധതിക്കാവശ്യമായ സഹായങ്ങൾ നൽകുന്നതിനും, നടപ്പാക്കുേമ്പാഴുള്ള തടസ്സങ്ങൾ വേഗം പരിഹരിക്കുന്നതിനുമാണ് ഏകീകൃത സേവന കേന്ദ്രം ഒരുക്കിയത്. ത്വാഇഫ് ഗവർണറ്റേ്, പൊലീസ്, ന്യു താഇഫ് ബലദിയ എന്നിവ ഉൾപ്പെട്ടതാണ് സേവന കേന്ദ്രം.
ന്യൂ ത്വാഇഫ് പദ്ധതികളുടെ നിർമാണ പുരോഗതി വ്യക്തമാക്കുന്ന വീഡിയോയും മക്ക ഗവർണർ കണ്ടു. സൂഖ് ഉക്കാദ്, യൂനിവേഴ്സിറ്റി സിറ്റി, ടെക്നോളജി പാർക്ക്, അന്താരാഷ്ട്ര വിമാനത്താവളം, റസിഡൻഷ്യൽ ഡിസ്ട്രിക്റ്റ് എന്നിവ ഉൾപ്പെട്ടതാണ് ന്യൂ ത്വാഇഫ് പദ്ധതി. ത്വാഇഫിെൻറ മുഖഛായ മാറ്റുന്ന ഇൗ പദ്ധതിക്ക് അടുത്തിടെയാണ് സർക്കാർ അംഗീകാരം നൽകിയത്. ചില പദ്ധതികൾ ഒന്നാംഘട്ടം പൂർത്തിയായിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.