റിയാദ്: സ്വകാര്യ മേഖലയിൽ റിയാദ് പ്രവിശ്യയിൽ അഞ്ച് ഹെരിറ്റേജ് മ്യൂസിയങ്ങൾക്ക് സൗദി കമീഷൻ ഫോർ ടൂറിസം ആൻഡ ് നാഷനൽ ഹെരിറ്റേജ് (എസ്.സി.ടി.എച്ച്) അനുമതി നൽകി. ദേശീയ പൈതൃകങ്ങളുടെയും ചരിത്രശേഷിപ്പുകളുടെയും സംരക്ഷണത്തി ന് സ്വകാര്യമേഖലയിൽ കൂടി മ്യൂസിയങ്ങൾ ആരംഭിക്കുന്ന പദ്ധതിയുടെ ഭാഗമായാണ് സ്വകാര്യ സരംഭങ്ങൾക്ക് ലൈസൻസ് അനു വദിക്കുന്നത്. പ്രവിശ്യയിൽ ഇതോടെ വിവിധ പട്ടണങ്ങളിലും ഗവർണറേറ്റുകളുടെ ഭൂപരിധികളിലുമായി ഇതോടെ അംഗീകൃത സ്വക ാര്യ മ്യൂസിയങ്ങളുടെ എണ്ണം 50 ആയി ഉയർന്നു. മജ്മഅ റൗദത്തു സുദൈറിലെ മാജിദ് ഹെരിറ്റേജ് മ്യൂസിയം, റിയാദ് നഗര പരിധിയിലെ ഖാലിദ് അൽറേഡിയൻ ഹെരിറ്റേജ് മ്യൂസിയം, ദവാദ്മിയിലെ ഖറാറ മ്യൂസിയം, റിയാദിൽ തന്നെ റിവാഖ് അൽതുറത് മ്യൂസിയം,
ദവാദ്മിയിൽ മൗദി അൽആസിമി മ്യൂസിയം എന്നിവയ്ക്കാണ് പുതുതായി ലൈസൻസ് ലഭിച്ചത്. ഇതിൽ റിയാദിലെ റിവാഖ് അൽതുറത് മ്യൂസിയം, ദവാദ്മിയിലെ മൗദി അൽആസിമി മ്യൂസിയം എന്നിവ വനിതാ ഉടമസ്ഥതയിലുള്ളതാണ്. ഇങ്ങനെ ലൈസൻസോടെ പ്രവർത്തിക്കുന്ന സ്വകാര്യ മ്യൂസിയങ്ങളുടെ എണ്ണം കൊണ്ട് റിയാദ് പ്രവിശ്യ രാജ്യത്തെ മറ്റ് പ്രവിശ്യകളെ അപേക്ഷിച്ച് ഒന്നാം സ്ഥാനത്താണെന്നും ഇതിന് പുറമെ നാഷനൽ മ്യൂസിയം ഉൾപ്പെടെ പൊതുമേഖലയിൽ നിരവധി മ്യൂസിയങ്ങൾ വേറെ ഉണ്ടെന്നും പുരാവസ്തു സംരക്ഷണത്തിെൻറയും പ്രദർശനശാലകളുടെയും കാര്യത്തിൽ പ്രവിശ്യ അഭൂതപൂർവമായ നേട്ടങ്ങളും റെക്കോർഡുകളുമാണ് സ്വന്തമാക്കി കൊണ്ടിരിക്കുന്നതെന്നും എസ്.സി.ടി.എച്ച് റിയാദ് റീജനൽ ഡയറക്ടർ ഡോ. അജാബ് അൽഉതൈബി പറഞ്ഞു.
സ്വകാര്യ മ്യൂസിയങ്ങളിലെല്ലാം ദേശീയ ദിനം, പെരുന്നാളുകൾ പോലുള്ള പൊതു വിശേഷാവസരങ്ങളിലും ഒൗദ്യോഗിക അവധിദിനങ്ങളിലും അന്താരാഷ്ട്ര മ്യൂസിയം ദിനത്തിലും വർണാഭമായ ആഘോഷങ്ങൾ സംഘടിപ്പിക്കുകയും പൗരന്മാരും പ്രവാസി സമൂഹവും സ്കൂൾ വിദ്യാർഥികളും വിദേശരാജ്യങ്ങളിൽ നിന്നുള്ള ഒൗദ്യോഗിക അതിഥികളുമെല്ലാം ഇൗ പരിപാടികൾക്കെത്തുകയും മ്യൂസിയങ്ങൾ സന്ദർശിക്കുകയും ചെയ്യുന്നതായും അദ്ദേഹം കൂട്ടിച്ചേർത്തു. സ്വകാര്യ മ്യൂസിയം നടത്തിപ്പുകാരെ ടൂറിസ്റ്റ് ട്രിപ്പുകൾ സംഘടിപ്പിക്കാനും മ്യൂസിയത്തിലെ പ്രദർശനശാലകൾ നവീകരിക്കാനും മ്യൂസിയങ്ങളെ കുറിച്ചുള്ള ബ്രോഷറുകൾ അച്ചടിക്കാനും ടൂറിസം കമീഷൻ റിയാദ് റീജ്യൻ വേണ്ട എല്ലാ സഹായങ്ങളും പിന്തുണയും നൽകുന്നുണ്ട്.
അതുപോലെ ഇൗ മ്യൂസിയങ്ങളെ പരസ്യപ്പെടുത്താനും ടൂറിസം മാപ്പിൽ അടയാളപ്പെടുത്താനും തെരുവുകളിലും മറ്റും മ്യൂസിയങ്ങളെ കുറിച്ചുള്ള പരസ്യഫലകങ്ങൾ സ്ഥാപിക്കാനും എല്ലാം ആവശ്യമായ സഹായങ്ങൾ കമീഷെൻറ ഭാഗത്തു നിന്ന് നിർബാധം നൽകുന്നുണ്ടെന്നും അദ്ദേഹം പറഞ്ഞു. റിയാദ് പ്രവിശ്യയിൽ നേരത്തെ തന്നെ പ്രവർത്തിക്കുന്ന അംഗീകൃതവും പ്രധാനപ്പെട്ടതുമായ മ്യൂസിയങ്ങൾ ഇവയാണ്: അൽഹംദാൻ ഹെരിറ്റേജ് മ്യൂസിയം റിയാദ്, അൽതമീമം മ്യൂസിയം അൽഅഫ്ലാജ്, ഹമദ് അൽസാലിം മ്യൂസിയം ഇഷ്ഖൈർ സെൻറർ, അൽസാദിരിയ ഹെരിറ്റേജ് മ്യൂസിയം വാദി ദവാസിർ, അൽദലം അബാഷ അൽതാരിഖ് മ്യൂസിയം അൽഖർജ്, ജാറല്ലാഹ് അൽഅദീബ് മ്യൂസിയം ഫോർ പോപ്പുലർ ഹെരിറ്റേജ് റിയാദ്, ദിയാർ അൽഇസ് മ്യൂസിയം മുസാഹ്മിയ, അബ്ദുൽറഹ്മാൻ അൽദ്വൈഹി മ്യൂസിയം ഫോർ പോപ്പുലർ ഹെരിറ്റേജ് സുൽഫി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.