മലയാളി യുവാവിനെ കാണാതായിട്ട്​ മൂന്നു മാസം: ഹവാല മാഫിയ തട്ടിക്കൊണ്ടുപോയതെന്ന്​ കുടുംബം

ദമ്മാം: ദമ്മാമിൽ ടാക​​്​സി ​ൈ​ഡ്രവറായി ജോലി നോക്കിയിരുന്ന യുവാവിനെ മൂന്നു മാസമായി കാണാനില്ലെന്ന്​ പരാതി. മൂവാറ്റുപുഴ, ​ചെറുവട്ടൂർ, കൂട്ടിപ്പീടിക, കോട്ടപ്പള്ളി വീട്ടിൽ അൻസാറിനെയാണ്​ (29) കാണാതായത്​. അന്താരാഷ്​ട്ര കണ് ണികളുള്ള ഹവാല സംഘം തട്ടിക്കൊണ്ടുപോയി തടവിലിട്ട്​ പീഡിപ്പിക്കുകയാണന്ന്​ നാട്ടില​ുള്ള കുടുംബം ആരോപിക്കുന്നു. ​ സൗദിയിൽ നിന്ന്​ ബഹ്​​ൈറനിലേക്ക്​ പണം കടത്തുന്ന സംഘത്തിനു വേണ്ടി ഇയാൾ പ്രവർത്തിച്ചിരുന്നുവെന്നാണ്​ സൂചന​. പണമിടപാടുമായി ബന്ധപ്പെട്ട പ്രശ്​നങ്ങളാണ്​ അൻസാറിനെ തട്ടിക്കൊണ്ടു പോകുന്നതിലെത്തിച്ചത്​. ഡിസംബർ 12 മുതലാണ്​ അൻസാറിനെ കാണാതായത്​. അന്ന്​ ബഹ്​​ൈറനിലേക്ക്​ ഒാട്ടം പോയ അൻസാർ പിന്നെ തിരികെ വന്നിട്ടില്ലെന്ന്​ കൂടെ താമസിക്കുന്നവർ പറയുന്നു. ദുബൈയിലുള്ള കൊടുവള്ളിക്കാരനായ ഏജൻറാണ്​ അൻസാറിനെ തട്ടിക്കൊണ്ടുപ്പോയതിന്​ പിന്നിലെന്ന്​ ബന്ധുക്കൾക്ക്​ സൂചന ലഭിച്ചിട്ടുണ്ട്​. അദ്ദേഹത്തി​​​​െൻറ പണം നഷ്​ടപ്പെട്ടതുമായി ബന്ധപ്പെട്ട്​ സൗദിയിലുള്ള അൻസാറി​​​​െൻറ സുഹൃത്തുക്കളേയും ഭീഷണിപ്പെടുത്തിയിരുന്നു. കൂടാതെ രണ്ട്​ സുഹൃത്തുക്കളേയും ദുബൈയിലേക്ക് വിളിപ്പിച്ചു. ഇവർ ദുബൈയിൽ അൻസാറിനെ കണ്ടിരുന്നു.

അവിടെ നിന്ന്​ വീട്ടുകാരുമായും, സുഹൃത്തുക്കളുമായും ഇയാൾ ഫോണിൽ സംസാരിക്കുകയും ചെയ്​തിരുന്നു. അഞ്ച്​ ദിവസത്തിന്​​ ശേഷം മറ്റ്​ രണ്ട്​ സുഹൃത്തുക്കൾ മടങ്ങിയെത്തിയെങ്കിലും അൻസാർ തിരിച്ചെത്തിയിട്ടില്ല. എന്നാൽ തങ്ങളു​െട അടുത്ത്​ നിന്ന്​ പോയി എന്നും ഇപ്പോൾ എവിടെയാണുള്ളതെന്ന്​ തങ്ങൾക്ക്​ അറിയില്ലെന്നുമാണ്​ ദുബൈയിലുള്ളവർ നൽകുന്ന വിശദീകരണം. ഒരു മാസം​ മുമ്പ്​ അൻസാർ ഫോണിൽ ഭാര്യയെ വിളിച്ചിരുന്നു. താൻ കുടുക്കിലാണന്നും ബോധം നശിപ്പിച്ച്​ മുഴുവൻ സമയം കിടത്തിയിരിക്കുകയാണന്നും എങ്ങനെയും രക്ഷപ്പെടുത്തണമെന്നും അപേക്ഷിച്ചിരുന്നു. സെക്കൻറുകൾ മാത്രം നീണ്ട വർത്തമാനം നെറ്റ്​ കാളിൽ നിന്നായതിനാൽ എവിടെ നിന്നാ​െണന്ന്​ തിരിച്ചറിയാനും സാധിച്ചില്ല എന്ന്​ ബന്ധുക്കൾ അറിയിച്ചു. നാട്ടിൽ കോതമംഗലം പൊലീസ്​ സ്​റ്റേഷനിലും ​ൈഹക്കോടതിയിലും പരാതി നൽകിയിട്ടും വിദേശത്ത്​ വെച്ചായതിനാൽ തങ്ങൾക്ക്​ ഒന്നും ചെയ്യാനാവില്ല എന്ന നിലപാടിലാണത്രെ അധികൃതർ. എങ്ങനെയും അൻസാറിനെ കണ്ടെത്താൻ സഹായിക്കണമെന്ന ആവശ്യവുമായി അധികാരികളുടെ വാതിലുകൾ മുട്ടിത്തളരുകയാണ്​ അൻസാറി​​​​െൻറ വൃദ്ധരായ മാതാപിതാക്കളും ഭാര്യയും.