ഇന്ത്യൻ സ്​കൂൾ കുടിയിറക്കൽ: മധ്യസ്​ഥ ചർച്ചക്ക്​ വഴിയൊരുങ്ങുന്നു

ജിദ്ദ: ഇൻറർനാഷനൽ ഇന്ത്യൻ സ്​കൂളിൽ നിന്ന്​ വിദ്യാർഥികളെ കുടിയിറക്കുന്ന സാഹചര്യം ഒഴിവാക്കാൻ ജിദ്ദയിലെ വ്യവസായ പ്രമുഖർ രംഗത്ത്​. രക്ഷിതാക്കൾക്കും ഇന്ത്യൻ പൗരാവലിക്കും വേണ്ടിയാണ്​ മലയാളി വ്യവസായികൾ ഇടപെടുന്നത്​. അംബസഡറെ നേരിൽ കണ്ട്​ സ്​കൂൾ നിലനിർത്താനാവശ്യമായ സാമ്പത്തിക സഹായം വരെ വാഗ്​ദാനം ചെയ്യാനാണ്​ ശ്രമം. വേണമെങ്കിൽ കെട്ടിടം വില കൊടുത്ത്​ വാങ്ങി സ്​കൂൾ നിലനിർത്താനും വ്യവസായികൾ സന്നദ്ധമാണ്.

വാടകയുമായി ബന്ധപ്പെട്ട തർക്കം പരിഹരിക്കാൻ മധ്യസ്​ഥ ചർച്ച വേണമെന്ന ആവശ്യം ശക്​തമാണ്​. സൗദി പൗരപ്രമുഖനും മുതിർന്ന അറബ്​ പത്രപ്രവർത്തകനുമായ ഖാലിദ്​ അൽമഇൗന വിഷയത്തിൽ മധ്യസ്​ഥ്യചർച്ചക്ക്​ സന്നദ്ധത അറിയിച്ചിട്ടുണ്ട്​. വിഷയത്തിൽ ഗൗരവത്തിലിടപെടണമെന്ന്​ അദ്ദേഹം ഇന്ത്യൻ അംബാസഡറോട്​ ആവശ്യപ്പെട്ടു​. രക്ഷിതാക്കളുടെ ഭാഗത്ത്​ നിന്ന്​ പലവഴിക്ക്​ സ്​കൂൾ നിലനിർത്തനാവശ്യമായ ഇടപെടലുകൾ തുടരുകയാണ്​. മുൻ ചെയർമാൻമാരായ അഡ്വ. ഷംസുദ്ദീൻ, ഇഖ്​ബാൽ പൊക്കുന്ന് തുടങ്ങിയവരുടെ നേതൃത്വത്തിൽ രക്ഷിതാക്കൾ സ്​കൂൾ നിരീക്ഷകനായ ഡെപ്യൂട്ടി കോൺസൽ ജനറൽ ഷാഹിദ്​ ആലമിനെ സന്ദർശിച്ചു.

മധ്യസ്​ഥ ചർച്ചക്ക്​ വഴിയൊരുക്കണമെന്ന്​ വീണ്ടും ആവശ്യപ്പെട്ടു. അനിവാര്യമെങ്കിൽ രക്ഷിതാക്കളുടെ ഭാഗത്ത്​ നിന്ന് ഫീസ്​ വർധന ഉൾപെടെ എല്ലാ സഹകരണവും തരാമെന്ന്​ ​വാഗ്​ദാനം ചെയ്​തിട്ടുണ്ട്​. അധികമായി വരുന്ന വാടക പൗരാവലിയുടെ സഹായമായി നൽകാമെന്നും അറിയിച്ചിട്ടുണ്ട്​. സൗദി വിദ്യാഭ്യാസമന്ത്രാലയത്തിനും മക്ക ഗവർണർക്കും ഇൗ വിഷയത്തിൽ പരിഹാരമുണ്ടാക്കിത്തരണമെന്ന്​ ആവശ്യപ്പെട്ട്​ നിവേദനങ്ങൾ സമർപ്പിച്ചിട്ടുണ്ട്​. അതിനിടെ വിദ്യാർഥികൾ ഒാൺലൈനിൽ ഭീമഹരജി തയാറാക്കി വിദേശകാര്യസഹമന്ത്രി സുഷമ സ്വരാജിന്​ സമർപ്പിക്കുന്നുണ്ട്​. അതിനിടെ ധിറുതിപിടിച്ച്​ കെട്ടിടം ഒഴിയേണ്ട സാഹചര്യം ഇല്ല എന്ന വിദഗ്​ധാഭിപ്രായവും ഉയർന്നിട്ടുണ്ട്​. ഇന്നലെ മുതൽ ആൺകുട്ടികളുടെ പരീക്ഷ ഗേൾസ്​ സെക്​ഷനിൽ ആരംഭിച്ചിട്ടുണ്ട്​.

എംബസി അടിയന്തരമായി ഇടപെടണം -ശശി തരൂർ
ജിദ്ദ: ജിദ്ദ ഇന്ത്യൻ സ്​കൂൾ വിഷയത്തിൽ എംബസി അടിയന്തരമായി ഇടപെട്ട്​ പ്രശ്​നപരിഹാരമുണ്ടാക്കണമെന്ന്​ ശശി തരൂർ എം.പി.
വിദ്യാർഥികളെ സ്​കൂളിൽ നിന്ന്​ കുടിയിറക്കുന്നത്​ വളരെ ഗൗരവപ്പെട്ട വിഷയമാണ്​. ഇതു സംബന്ധിച്ച പരാതി തനിക്ക്​ ലഭിച്ചിട്ടുണ്ട്​. വാടകയുമായി ബന്ധപ്പെട്ട വിഷയത്തിൽ മാധ്യസ്​ഥ ചർച്ച നടത്തണം. സഹായിക്കാൻ സന്നദ്ധതയുള്ള പ്രവാസി വ്യവസായികളുണ്ട്​. സർക്കാറി​​​െൻറ കടുംപിടിത്തം സ്​കൂൾ കെട്ടിടം നഷ്​ടപ്പെടുന്നതിലേക്ക് എത്തിക്കും. 2009^ൽ താൻ ഇൗ സ്​കൂൾ സന്ദർശിച്ചിരുന്നുവെന്നും ശശി തരൂർ ട്വിറ്ററിൽ കുറിച്ചു.

സുഷമ സ്വരാജിന്​ വിദ്യാർഥികളുടെ ഭീമഹരജി
ജിദ്ദ: ജിദ്ദ ഇന്ത്യൻ സ്​കൂൾ കെട്ടിടം ഒഴിയുന്ന സാഹചര്യം ഒഴിവാക്കണമെന്നാവശ്യപ്പെട്ട്​ വിദ്യാർഥികളുടെ ഭീമ ഹരജി തയാറാവുന്നു. ഒാൺലൈൻ ഒപ്പുശേഖരണത്തിന്​ വൻ പ്രതികരണമാണ്​ ലഭിച്ചുകൊണ്ടിരിക്കുന്നത്​. ഞായറാഴ്​ച തുടങ്ങിയ കാമ്പയിനിൽ 3800 ലധികം കുട്ടികൾ വൈകു​േന്നരത്തോടെ ഒപ്പുരേഖപ്പെടുത്തി. വിദേശകാര്യമന്ത്രി സുഷമ സ്വരാജനാണ്​ കുട്ടികൾ ഭീമഹരജി നൽകുന്നത്​. അയ്യായിര​േത്താളം കുട്ടികൾ പഠിക്കുന്ന സ്​കൂളിലെ ബോയ്​സ്​ സെക്​ഷൻ കെട്ടിടം വാടക സംബന്ധിച്ച തർക്കത്തെ തുടർന്നാണ്​ ഒഴിയുന്നത്​. ഗേൾസ്​ സെക്​ഷനിൽ ഷിഫ്​റ്റ്​ അടിസ്​ഥാനത്തിൽ ബോസ്​ സ്​കൂൾ പ്രവർത്തിക്കാനാണ്​ അധികൃതർ ശ്രമം നടത്തുന്നത്​. ഇതിനായി സ്​കൂൾ ഫർണിച്ചറുകൾ ഏതാണ്ട്​ പൂർണമായി ഗേൾസ്​ വിഭാഗത്തിലേക്ക്​ മാറ്റിക്കഴിഞ്ഞു. എംബസി വിഷയത്തിൽ ഗൗരവത്തിൽ ിടപെടണമെന്ന ആവശ്യം ശക്​തമാണ്​.