സൗ​ദി ഊ​ർ​ജ മ​ന്ത്രി ഇ​ന്ത്യ​യി​ൽ

റി​യാ​ദ്: ശു​ദ്ധ​മാ​യ ഹൈ​ഡ്ര​ജ​ൻ ഉ​ൽ​പാ​ദ​ന​ത്തി​​ന്റെ​യും ക​യ​റ്റു​മ​തി​യു​ടെ​യും നേ​തൃ​സ്ഥാ​ന​ത്ത് സൗ​ദി അ​റേ​ബ്യ തു​ട​രു​മെ​ന്ന് ഊ​ർ​ജ മ​ന്ത്രി അ​ബ്​​ദു​ൽ അ​സീ​സ് ബി​ൻ സ​ൽ​മാ​ൻ. ഗോ​വ​യി​ൽ ന​ട​ന്ന 14ാമ​ത്​ ഗ്രീ​ൻ ആ​ൻ​ഡ് ലോ-​കാ​ർ​ബ​ൺ മ​ന്ത്രി​ത​ല ഉ​ച്ച​കോ​ടി​യി​ലെ മി​ഷ​ൻ ആ​ൻ​ഡ്​ ഇ​ന്ന​വേ​ഷ​ൻ യോ​ഗ​ത്തി​ൽ അ​ധ്യ​ക്ഷ​ത വ​ഹി​ക്കു​ക​യാ​യി​രു​ന്നു അ​ദ്ദേ​ഹം.

ഇ​ന്ത്യ​യു​ടെ ഊ​ർ​ജ, പു​ന​രു​പ​യോ​ഗ ഊ​ർ​ജ വ​കു​പ്പ് മ​ന്ത്രി രാ​ജ്കു​മാ​ർ സി​ങ് കൂ​ടി സം​ബ​ന്ധി​ച്ച സെ​ഷ​നി​ലാ​ണ് അ​മീ​ർ അ​ബ്​​ദു​ൽ അ​സീ​സ് കാ​ർ​ബ​ൺ കു​റ​ഞ്ഞ ഹ​രി​ത ഊ​ർ​ജ ഉ​ൽ​പാ​ദ​ന​ത്തി​ലും ക​യ​റ്റു​മ​തി​യി​ലു​മു​ള്ള സൗ​ദി​യു​ടെ പ്ര​തി​ബ​ദ്ധ​ത വ്യ​ക്ത​മാ​ക്കി​യ​ത്. ഇ​ക്കാ​ര്യ​ത്തി​ൽ സാ​ധ്യ​മാ​യ എ​ല്ലാ മാ​ർ​ഗ​ങ്ങ​ളും അ​വ​ലം​ബി​ച്ച് മു​ന്നേ​റു​ന്ന സൗ​ദി അ​റേ​ബ്യ മ​നു​ഷ്യ​രാ​ശി​യു​ടെ ആ​രോ​ഗ്യ​ത്തി​നും നി​ല​നി​ൽ​പി​നും വ​ലി​യ പ്രാ​ധാ​ന്യം ക​ൽ​പി​ക്കു​ന്ന​താ​യി ഊ​ർ​ജ​മ​ന്ത്രി പ​റ​ഞ്ഞു.

കാ​ലാ​വ​സ്ഥ വ്യ​തി​യാ​ന​വു​മാ​യി ബ​ന്ധ​പ്പെ​ട്ട യു.​എ​ൻ ക​ൺ​വെ​ൻ​ഷ​ൻ, 2023ലെ ​മി​ഡി​ലീ​സ്​​റ്റ്​-​നോ​ർ​ത്ത് ആ​ഫ്രി​ക്ക കാ​ലാ​വ​സ്ഥ വാ​രാ​ച​ര​ണം എ​ന്നി​വ​യു​ടെ ഏ​കോ​പ​ന​ത്തി​ൽ സൗ​ദി ഊ​ർ​ജ മ​ന്ത്രാ​ല​യം നി​ർ​ണാ​യ​ക പ​ങ്കാ​ണ് വ​ഹി​ക്കു​ന്ന​ത്. ഈ ​വ​ർ​ഷം ഒ​ക്‌​ടോ​ബ​ർ എ​ട്ട്​ മു​ത​ൽ 12 വ​രെ റി​യാ​ദി​ൽ ന​ട​ക്കു​ന്ന മി​ഡി​ലീ​സ്​​റ്റ്​-​നോ​ർ​ത്ത് ആ​ഫ്രി​ക്ക കാ​ലാ​വ​സ്ഥ പ​രി​പാ​ടി​യി​ൽ മ​ന്ത്രി​മാ​രും നി​ര​വ​ധി ഉ​ദ്യോ​ഗ​സ്ഥ​രും മാ​ധ്യ​മ പ്ര​വ​ർ​ത്ത​ക​രും പ​ങ്കെ​ടു​ക്കും.