സൗദി കിരീടാവകാശി അമീർ മുഹമ്മദ് ബിൻ സൽമാൻ അന്താരാഷ്ട്ര ഒളിമ്പിക് കമ്മിറ്റി പ്രസിഡന്റ് തോമസ്
ബാച്ചുമായി ചർച്ച നടത്തുന്നു
റിയാദ്: സൗദി കിരീടാവകാശി അമീർ മുഹമ്മദ് ബിൻ സൽമാൻ അന്താരാഷ്ട്ര ഒളിമ്പിക് കമ്മിറ്റി പ്രസിഡന്റ് തോമസ് ബാച്ചുമായി ചർച്ച നടത്തി. റിയാദിലെ അൽ യമാമ കൊട്ടാരത്തിലാണ് കൂടിക്കാഴ്ച നടന്നത്.
ലോകമെമ്പാടുമുള്ള ഒളിമ്പിക് ഗെയിംസിന്റെ വികസനവും സമൃദ്ധിയും വർധിപ്പിക്കുന്ന തരത്തിൽ സൗദിയും അന്താരാഷ്ട്ര ഒളിമ്പിക് കമ്മിറ്റിയും തമ്മിലുള്ള ഉഭയകക്ഷി സഹകരണത്തിന്റെ വശങ്ങൾ ഇരുവരും അവലോകനം ചെയ്തു.
കായിക മന്ത്രി അമീർ അബ്ദുൽ അസീസ് ബിൻ തുർക്കി, റോയൽ കോർട്ട് ഉപദേശകനായ ഡോ. ഫഹദ് തുനീസി, പൊതുനിക്ഷേപ ഫണ്ട് ഗവർണർ യാസർ അൽ റുമയാൻ, ഒളിമ്പിക്-പാരാലിമ്പിക് കമ്മിറ്റി സെക്രട്ടറി ജനറൽ അബ്ദുൽ അസീസ് ശൈയ്ഷൻ, ഇന്റർനാഷനൽ ഒളിമ്പിക് കമ്മിറ്റി പ്രസിഡന്റിന്റെ മുതിർന്ന ഉപദേഷ്ടാവ് പെറി മിറോ, ഐ.ഒ.സി അംഗവും വർക്കിങ് ഗ്രൂപ്പിന്റെ തലവനുമായ സർ മിയാങ് എന്നിവർ സ്വീകരണ ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.