റിയാദ്: മലയാളി റിയാദിലെ താമസസ്ഥലത്ത് ഹൃദയാഘാതം മൂലം മരിച്ചു. തൃശ്ശൂർ വലപ്പാട് സ്വദേശി ബഷീർ (52) ആണ് റിയാദ് നഗരത്തിലെ ഗുബേര എന്ന സ്ഥലത്ത് മരിച്ചത്. കഴിഞ്ഞ ദിവസം ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ഡോക്ടറെ കണ്ട് മരുന്ന് വാങ്ങിയ ശേഷം റൂമിലേക്ക് മടങ്ങിയിരുന്നു.
30 വർഷമായി സൗദിയിൽ പ്രവാസിയായ ബഷീർ സടെക്സ് എന്ന കമ്പനിയിൽ ഡ്രൈവറായി ജോലി ചെയ്തു വരികയായിരുന്നു. രണ്ടു വർഷം മുമ്പാണ് അവസാനമായി നാട്ടിൽ പോയി മടങ്ങിയത്. തനിമ കലാസാംസ്കാരിക വേദിയുടെ പ്രവർത്തകനും ഹജ്ജ് വളൻറിയർ ടീം അംഗവുമായിരുന്നു.
പിതാവ്: ഇബ്രാഹിം. മാതാവ്: ആമിന. ഭാര്യ: ജസീല. മക്കൾ: ജാസ്മിൻ, സൽവ, ഷഹനാസ് അമൽ. ഖബറടക്കത്തിനുള്ള നടപടികൾക്ക് സഹോദരൻ കബീറിനോപ്പം തനിമ, പ്രവാസി സാംസ്കാരിക വേദി പ്രവർത്തകരും രംഗത്തുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.