റിയാദ്: സൗദി അറേബ്യയിൽ കോവിഡ് ബാധിച്ചുള്ള മരണം 5500 കവിഞ്ഞു. വെള്ളിയാഴ്ച 17 പേർ കൂടി മരിച്ചതോടെ ആകെ മരണസംഖ്യ 5506 ആയി. 436 പേർക്ക് പുതുതായി കോവിഡ് സ്ഥിരീകരിച്ചു. 465 പേർക്ക് പുതുതായി രോഗമുക്തിയുണ്ടായി.
ആകെ റിപ്പോർട്ട് ചെയ്ത 349,822 പോസിറ്റീവ് കേസുകളിൽ 336,533 പേർ രോഗമുക്തി നേടി. 7783 പേർ രാജ്യത്തെ വിവിധ ആശുപത്രികളിലും മറ്റും ചികിത്സയിൽ കഴിയുന്നു. ഇതിൽ 736 പേർ ഗുരുതരാവസ്ഥയിലാണ്. ഇവർ തീവ്രപരിചരണ വിഭാഗങ്ങളിലാണ്.
രാജ്യത്തെ കോവിഡ് മുക്തി നിരക്ക് 96.2 ശതമാനമായി ഉയർന്നു. മരണനിരക്ക് 1.6 ശതമാനമായി തുടരുന്നു. 24 മണിക്കൂറിനിടെ രാജ്യത്ത് പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് റിയാദിലാണ്, 69.
മദീന 68, മക്ക 32, യാംബു 25, ബുറൈദ 22, മഖ്വ 18, ഉനൈസ 15, ഹുഫൂഫ് 14, ജിദ്ദ 11, അൽഅയ്സ് 9, റിയാദ് അൽഖുബ്റ 8, ഖമീസ് മുശൈത് 8, ദമ്മാം 8, തബൂക്ക് 8 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.