റിയാദ്: സൗദി അറേബ്യയിൽ 323 പേർക്ക് കൂടി പുതുതായി കോവിഡ് സ്ഥിരീകരിച്ചു. രാജ്യത്തെ വിവിധയിടങ്ങളിലായി 15 പേർ ഞായറാഴ്ച മരിച്ചു. 335 രോഗബാധിതർ കോവിഡ് മുക്തരായി. ആകെ റിപ്പോർട്ട് ചെയ്ത 344,875 പോസിറ്റീവ് കേസുകളിൽ 331,330 പേർ രോഗമുക്തി നേടി. രാജ്യത്തെ കോവിഡ് മുക്തി നിരക്ക് 96.1 ശതമാനമായിതുടരുന്നു. ആകെ മരണസംഖ്യ 5296 ആയി. മരണനിരക്ക് 1.5 ശതമാനമായി തുടരുന്നു. രോഗബാധിതരായി രാജ്യത്ത് ബാക്കിയുള്ളത് 8249 പേരാണ്. അതിൽ 767 പേരുടെ നില ഗുരുതരമാണ്.
24 മണിക്കൂറിനിടെ പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് മദീനയിലാണ്. 62. റിയാദ് 41, യാംബു 29, മക്ക 24, ബുറൈദ 14,ഹുഫൂഫ് 11, റിയാദ് അൽഖബ്റ 9, ഉനൈസ 9, ഹാഇൽ 9, ജിദ്ദ 9, ദമ്മാം 6, വാദി ദവാസിർ 5, മുബറസ് 4, അഖീഖ് 4 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.