റിയാദ്: റിയാദ് 50 ഫ്രൂട്സ് കെ.എം.സി.സി കമ്മിറ്റി സി. എച്ച് സെന്‍ററിനുവേണ്ടി റമദാനിൽ സ്വരൂപിച്ച ഫണ്ട് കൈമാറി. മങ്കട സി. എച്ച് സെന്‍ററിൽ വെച്ചു നടന്ന ചടങ്ങിൽ സി. എച്ച് സെന്റർ പ്രസിഡന്റ് കൂടിയായ കോട്ടക്കൽ മണ്ഡലം എം.എൽ.എ പ്രഫ. ആബിദ് ഹുസൈൻ തങ്ങൾക്ക് കെ.എം.സി.സി ഭാരവാഹികളായ അബൂബക്കർ സി. കെ പാറ, നസീർ വാഴക്കാട്ടിരി, സൽമാൻ ഫാരിസ് വെള്ളില എന്നിവർ ചേർന്ന് കൈമാറി. ചടങ്ങിൽ മങ്കട സി. എച്ച് സെൻറർ സെക്രട്ടറി അഡ്വ. കുഞ്ഞാലി,റിയാദ് കെ.എം.സി.സി സെൻട്രൽ കമ്മിറ്റി വൈസ് പ്രസിഡന്റ് അഡ്വ. അനീർ ബാബു എന്നിവർക്കു പുറമെ പ്രവാസി ലീഗ്, മുസ്‌ലിം ലീഗ് നേതാക്കളും പങ്കെടുത്തു. റിയാദിലെ പ്രമുഖ ജ്യൂസ്‌ കമ്പനിയായ 50 ഫ്രൂട്സിലെ കെ.എം.സി.സി മെംബർമാരുടെ കൂട്ടായ്മയാണ് 50 ഫ്രൂട്സ് കെ.എം.സി.സി കമ്മിറ്റി. എല്ലാ വർഷവും സി. എച്ച് സെന്ററിന് സാമ്പത്തിക സഹായം നൽകുന്നതോടൊപ്പം കേരളത്തിനകത്തും പുറത്തുമുള്ള പാവപ്പെട്ട രോഗികൾക്ക് ചികിത്സാസഹായം നൽകാറുണ്ടെന്ന് ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.