പ്രമുഖ മാധ്യമപ്രവർത്തകൻ ഇബ്രാഹീം അൽ ആബിദ്​ അന്തരിച്ചു

ദുബൈ: പ്രശസ്​ത ഇ​മറാത്തി മാധ്യമപ്രവർത്തകനും യു.എ.ഇയുടെ ഔദ്യോഗിക വാർത്ത ഏജൻസിയായ 'വാം' സ്​ഥാപകനുമായ ഇബ്രാഹീം അൽ ആബിദ്​ (78​) വിടവാങ്ങി. യു.എ.ഇ നാഷനൽ മീഡിയ കൗൺസിൽ ഡയറക്​ടർ ജനറലായിരുന്ന അദ്ദേഹ​ം വിരമിച്ചശേഷം എൻ.എം.സി ചെയർമാ​െൻറ ഉപദേഷ്​ടാവായി തുടരുകയായിരുന്നു. ലോക നേതാക്കളുമായി അടുത്ത ബന്ധം പുലർത്തിയിരുന്ന അദ്ദേഹം രാജ്യത്തെ മാധ്യമസംസ്​കാരം രൂപപ്പെടുത്തുന്നതിൽ നിർണായക പങ്കുവഹിച്ചു.

1975ലാണ്​ ഇൻഫർമേഷൻ മന്ത്രാലയത്തിൽ ചുമതലയേൽക്കുന്നത്​. രണ്ടു വർഷത്തിന​ുശേഷം 'വാം' സ്​ഥാപിച്ചപ്പോൾ മുൻനിരയിലുണ്ടായിരുന്നു. മലയാള മാധ്യമങ്ങളും മാധ്യമപ്രവർത്തകരുമായി അടുത്ത ബന്ധം പുലർത്തി. ഇബ്രാഹീം അൽ ആബിദി​െൻറ​ നിര്യാണത്തിൽ യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം, അബൂദബി കിരീടാവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാൻ, വിവിധ മന്ത്രാലയ ഉന്നതരും അനുശോചിച്ചു.