ജിദ്ദയിലെ പാണ്ടിക്കാട് പഞ്ചായത്ത് പ്രവാസി അസോസിയേഷൻ സംഘടിപ്പിച്ച സൗജന്യ മെഡിക്കൽ ക്യാമ്പിൽ പങ്കെടുത്തവർ
ജിദ്ദ: ജിദ്ദയിലെ പാണ്ടിക്കാട് പഞ്ചായത്ത് പ്രവാസി അസോസിയേഷൻ (പപ്പ) നേതൃത്വത്തിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. ജിദ്ദ അബീർ മെഡിക്കൽ സെന്ററുമായി സഹകരിച്ചായിരുന്നു ക്യാമ്പ്. പ്രവാസ ലോകത്തെ ജീവിതശൈലീ രോഗങ്ങളെ മുൻകൂട്ടി കണ്ടെത്തി അതിന് വേണ്ട തുടർനടപടികൾ പൂർത്തീകരിക്കുന്നതിനായി പ്രവാസികളെ ബോധവത്കരിക്കുക എന്നതായിരുന്നു
ക്യാമ്പിന്റെ മുഖ്യലക്ഷ്യമെന്ന് പപ്പ ഭാരവാഹികൾ അറിയിച്ചു. രാവിലെ എട്ടു മണിക്ക് ആരംഭിച്ച ക്യാമ്പ് ഉച്ചക്ക് രണ്ടുവരെ നീണ്ടു. അബീർ മെഡിക്കൽ ഗ്രൂപ് പ്രതിനിധി ആലുങ്ങൽ ജലീൽ ക്യാമ്പ് ഉദ്ഘാടനം ചെയ്തു. പ്രസിഡന്റ് മൂസ വെട്ടിക്കാട്ടിരി അധ്യക്ഷത വഹിച്ചു.
അഞ്ചില്ലൻ അബൂബക്കർ സ്വാഗതവും സമീർ വളരാട് നന്ദിയും പറഞ്ഞു. സി.എം.എ. റഹ്മാൻ, എ.ടി. അമീൻ, അഞ്ചില്ലൻ ഉമർ തുടങ്ങിവർ സംസാരിച്ചു. സലാം, ജോമോൾ തുടങ്ങി അബീർ ഗ്രൂപ് പ്രതിനിധികൾ ക്യാമ്പിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.